गेल्या चार सभांमध्ये शौमिका महाडिक यांनी सत्ताधारी गटावर सातत्याने कठोर टीका करून प्रश्न विचारले होते. त्यावेळी त्यांच्या आक्रमक शैलीमुळे सत्ताधारी गट बचावाच्या भूमिकेत गेला होता. मात्र नुकत्याच झालेल्या गोकुळच्या अध्यक्षीय निवडणुकीत महायुतीचे नाविद मुश्रीफ अध्यक्ष पदावर निवडून आले आहेत. ते निवडून आल्यापासून गोकुळमधील समीकरणांची जुळवाजुळव नव्याने सुरू झाली. त्यामुळे शौमिका महाडिक यांची भूमिका आता कोणत्या दिशेने वळणार याबाबत उत्सुकता निर्माण झाली आहे.
Ashwini Kedari : उकळतं पाणी अंगावर पडून घात! PSI परीक्षेत महाराष्ट्रात मुलींमधून प्रथम, हरहुन्नरी अश्विनी केदारींचा अकस्मात मृत्यू
शनिवारी गोकुळ मुख्यालयात झालेल्या बैठकीत अध्यक्ष मुश्रीफ, विश्वास पाटील, बाळासाहेब खाडे आणि शौमिका महाडिक यांच्यात चर्चा झाली. या बैठकीत महाडिक यांच्या अनेक शंकांचे निरसन झाल्याचे समजते. बैठकीत मंत्री हसन मुश्रीफ यांच्याही सल्ला मसलतीनंतर महाडिक यांना व्यासपीठावर स्थान देण्याबाबत सकारात्मक संकेत मिळाले आहेत. तर दुसरीकडे, शिरोली पुलाचे येथे शनिवारी झालेल्या कार्यकर्त्यांच्या बैठकीत समर्थकांनी ‘आपण घ्याल तो निर्णय आम्हाला मान्य’ असे सांगत त्यांना पूर्ण पाठिंबा दिल्याचे वृत्त आहे. या बैठकीला आमदार अशोक माने, माजी संचालक विश्वास जाधव यांच्यासह अनेक प्रभावी कार्यकर्ते हजर होते.
Maharashtra Politics : भाजपच्या वैऱ्याशी शिवसेनेची हातमिळवणी, थेट पत्रकार परिषदेत युतीची घोषणा, राजकारणात उलटफेर
दरम्यान मंगळवारी होणारी वार्षिक सर्वसाधारण सभा म्हणजे केवळ आर्थिक आढावे मांडण्यापुरती बैठक नसून, जिल्ह्यातील सहकारी राजकारणाची नवी दिशा ठरवणारा टप्पा ठरणार आहे. या सभेत शौमिका महाडिक कोणती भूमिका घेतात, हे गोकुळच्या आगामी धोरणांसह कोल्हापूरच्या सहकार समीकरणावरही दूरगामी परिणाम घडवेल, असे मानले जात आहे. सध्याच्या घडामोडींप्रमाणे शौमिका महाडिक या व्यासपीठावरच बसतील असे निश्चित वाटत असले तरी त्या काय निर्णय घेतात हे पाहणं महत्त्वाचं ठरणार आहे.

दूध वितरकांची कमिशन वाढीची मागणी

तर रविवारी जिल्हा बँकेत सत्ताधारी गटाने आतल्या घडामोडींवर चर्चा केली. जिल्हा बँकेत मुंबईतील गोकुळ दूध वितरकांची बैठक झाली. या बैठकीत त्यांनी म्हैस दुधासाठी प्रतिलिटर 80 पैसे आणि गाय दुधासाठी दीड रुपयांची कमिशन वाढ देण्याची मागणी केली. वैद्यकीय शिक्षणमंत्री हसन मुश्रीफ आणि आमदार सतेज पाटील यांच्या उपस्थितीत वितरकांनी ही मागणी मांडली आहे.