या अपघाताबाबत मिळालेल्या माहितीनुसार, रायगड जिल्ह्यातील म्हसळा तालुक्यात असणाऱ्या संदेरी येथे कुणबी समाजाची सभा आयोजित करण्यात आली होती. सदर सभेसाठी रिक्षाचालक संतोष नाना सावंत हे त्यांच्या ताब्यात असणाऱ्या रिक्षामध्ये (क्र. एमएच 06 एएल 8331) संजना संतोष मगर, प्रभाकर पांडुरंग धाडवे, संतोष रामचंद्र मगर, पांडुरंग रामचंद्र धोकटे, शांताराम पांडुरंग धोकटे आणि शामा तुकाराम धोकटे ही मंडळी गेली होती. सभा समाप्त झाल्यानंतर म्हसळा तालुक्यातील कणघर येथे येत असताना मयत रिक्षाचालक संतोष सावंत यांच्या ताब्यात असणारी रिक्षा घेऊन दुपारी अडीच वाजण्याच्या सुमारास मौजे कासार मलाई गावचे हद्दीत आले.

Amot Khatal : ‘आमदार खताळ यांच्याकडून माझ्या मुलाची फसवणूक’, हल्ला प्रकरणातील आरोपीच्या आईची तक्रार; अर्जात मोठे गौप्यस्फोट

या हद्दीत आल्यानंतर त्यांच्या रिक्षाचा वेग अधिक असल्यानं तसेच रस्ता हा तीव्र उताराचा असल्यानं संतोष सावंत यांचं नियंत्रण सुटलं. रिक्षा कासारमलाई फाट्याच्यापुढे असलेल्या सिमेंट कॉक्रिंटच्या एका दुभाजकाला जाऊन धडकली. या अपघातात संतोष सावंत यांचा जागीच मृत्यू झाला. तर शांताराम काळीदास धोकटे आणि शर्मिलाबाई तुकाराम धोकटे यांचा माणगाव उपजिल्हा रुग्णालयात उपचार दरम्यान मृत्यू झाला आहे. तर संजना संतोष मगर, प्रभाकर पांडुरंग धाडवे, संतोष रामचंद्र मगर आणि पांडुरंग रामचंद्र धोकटे यांना किरकोळ तसेच गंभीर जखमी झाले असल्यानं त्यांच्यावर औषध उपचार सुरू आहे.

मोठी बातमी! उद्या दुपारी 4 वाजेपर्यंत दक्षिण मुंबईचे रस्ते खाली करा, हायकोर्टाचे मराठा आंदोलकांना निर्देश

अपघाताची माहिती मिळताच श्रीवर्धनचे उपविभागीय पोलीस अधिकारी सविता गर्जे, म्हसळा पोलिस ठाण्याचे सहाय्यक पोलीस निरीक्षक संदीप कहाळे यांनी आपल्या कर्मचारी यांच्यासह घटनास्थळी भेट देत पाहणी केली. या अपघाताची फिर्याद पांडुरंग रामचंद्र धोकटे यांनी दिली असून मयत संतोष सावंत यांच्याविरोधात म्हसळा पोलीस ठाण्यात दिली आहे. याबाबत म्हसळा पोलिस ठाण्यात म्हसळा पोलिस ठाणे गुन्हा रजि.नं.५४/२०२५ भा.न्या. संहिता २०२३ चे कलम १०६ (१), १२५ ए १२५ बी, प्रमाणे नोंद करण्यात आली असून अधिक तपास सहाय्यक पोलीस निरीक्षक संदीप कहाळे यांच्या मार्गदर्शनाखाली पोलिस उपनिरीक्षक रोहीणकर करीत आहेत.