देवेंद्र फडणवीस काय म्हणाले?

मला आश्चर्य वाटत आहे की, तुम्हाला हे आज दिसत आहे. यापूर्वी काय झालं हे सर्वांनी बघितलं आहे, आजही आंदोलनाकरता राजकीय रिसोर्सेस करणारे कोण आहेत? आमच्याकरता हे आंदोलन राजकीय नाही, आम्ही याला सामाजिक चष्मातून पाहू, काही राजकीय पक्ष मनोज जरांगे यांच्या खांद्यावर बंदूक ठेवण्याचा फायदा करण्याचा प्रयत्न करत आहेत. परंतु त्यांचं नुकसान होईल, फायदा काही होणार नाही, असं देवेंद्र फडणवीस यांनी म्हटलं आहे. देवेंद्र फडणवीसांनी केलेल्या या वक्तव्यानंतर त्यांचा निशाणा कोणावर याची चर्चा राजकीय वर्तुळात होत आहे.
मुंबईकरांसाठी मोठी बातमी: मराठा आंदोलनामुळे वाहतुकीत बदल, अनेक रस्ते बंद, पर्याय मार्ग कोणते? वाचा संपूर्ण यादी

जरांगेंच्या आंदोलनाला कोणाचा पाठिंबा?

मनोज जरांगे यांच्या आंदोलनाला चार सत्ताधारी पक्षातील आंमदारांचा पाठिंबा आहे. विजयसिंह पंडित (अजित पवार गट), राजू नवघरे अजित पवार गट), विलास भुमरे (शिंदे गट) आणि प्रकाश सोळंके (अजित पवार गट) यांचा आमदारांचा जाहीरपणे पाठिंबा असून ते आंदोलनामध्येही सहभागी झाले आहेत. तर मविआमधील आमदार संदीप क्षीरसागर, खासदार बजरंग सोनवणे, (राष्ट्रवादी शरद पवार गट), खासदार संजय जाधव, नागेश आष्टीकर आणि ओमराजे निंबाळकर (शिवसेना ठाकरे गट) यांचा पाठिंबा आहे.
Manoj Jarange Patil: आझाद मैदानावर पाऊल ठेवताच जरांगेंची मोठी घोषणा; मराठा आंदोलकांना 10 महत्त्वाच्या सूचनाही दिल्या!
दरम्यान, मनोज जरांगे यांनी आपण आता आझाद मैदानावरून उठत नसल्याचं जाहीरपणे सांगितलं आहे. मात्र पोलिसांकडून त्यांना संध्याकाळपर्यंत परवानगी आहे. ही परवनागी वाढवून देण्याची मागणी जरांगे यांनी केली आहे. मुख्यमंत्री फडणवीस काय निर्णय घेतात हे पाहणं महत्त्वाचं ठरणार आहे.