मनोज जरांगे पाटील हे 29 ऑगस्टला मुंबईत मोर्चा आणण्यावर ठाम आहेत. सरकारकडून त्यांची मनधरणी करण्याचे आतापर्यंत बरेच प्रयत्न झाले. पण ते आपल्या निर्णयावर ठाम आहेत. त्यांनी आज बीडमध्ये आपली भूमिका मांडली.
“बीडचे मराठे एकत्र यायला लागले आहेत. तुम्हाला काय सांगू? तुम्ही एकत्र आल्यामुळे त्यांची अशी फाटली… मला इथे आल्यावर लक्षात आलं. आपण एकत्र आल्याने समाजाला न मिळणाऱ्या गोष्टी मिळायला लागल्या हे समजून घ्या. गडबळ, गोंधळाने आपल्या समाजाच्या लेकरांचं वाटोळं होत आहे. कोणत्या वेळेला कोणतं पाऊल उचलायचं हे मराठ्याला लवकर समजायला हवं. परिस्थितीने मराठ्यांवर संकट आणून सोडलं आहे. या संकाटात आपण पुढचा काळ लढणार आहोत”, असं मनोज जरांगे म्हणाले.
“तुमच्या आधी माझ्या भावनेचा ह्यांनी आतापर्यंत उपयोग केला आहे. म्हणून माझ्या मराठा समाजाला माझं प्रत्येक वेळेस हात जोडून आवाहन असतं, बाबाहो, आपली ताकद लयी मोठी आहे. फक्त आपण विचारांनी चाललो नाहीत म्हणून आपल्या लेकरांचं नुकसान झालं. यापुढे आपण इतरांच्या डोक्याने चालायचं नाही. स्वत:च्या डोक्याने चालायचं आणि जात उंचावर न्यायची. बस झालं आता, ज्याने यायचं त्याने नाटक शिकवायचं, त्याने यायचं आणि आपलं ज्ञान आम्हाला पाजळून जायचं. उभ्या पिढ्यांचं वाटोळं झालं”, अशी टीका मनोज जरांगे यांनी केली.
“उन्हातान्हात आजकाल कुणी बसत नाही. मला तुमचा गर्व वाटतो. तुम्ही उन्हात पावसात कशाचा विचार करत नाहीत. मायबाप समाजानो तुमच्यासाठी मी सुद्धा कशाचा विचार करत नाही. मरायचा सुद्धा विचार करत नाही. विचार करुन पुढच्या लढाया लढायच्या आहेत. मला फोन आले आहेत. मी फोनवाल्याला सांगितलं की, एकही मराठ्याची अस्सल अवलाद माघारी जाऊ शकत नाही”, असं मनोज जरांगे म्हणाले.
जरांगेंचा सरकारला इशारा
“तुम्ही गर्व वाटावं असं काम करत आहेत. बीडचं हे नुसतं रुप बघून सरकारला रातभर झोप राहणार नाही. बेजार होणार. चलो मुंबई. 29 ऑगस्टला जमून फाईटच आहे. मला म्हणतात, तुला हाणीन. मी म्हटलं, मला? अरे तुम्ही आई-बहिणींचं रक्त साडलं आहे, माझ्या माय-बहिणी रक्ताच्या थारोळ्यात टाकल्या. यावेळी तु्म्ही पोरांना डिवचून दाखवा. काय मराठ्यांची अवलाद आहे ते आम्ही तुम्हाला दाखवतो. आपल्याला शांततेत जायचं आहे आणि शांततेत आंदोलन करायचं आहे”, असं आवाहन मनोज जरांगे यांनी केलं.
मनोज जरांगे यांच्या आंदोलकांना मोलाच्या सूचना
“आरक्षणासाठी ही शेवटची लढाई आहे. मुंबईला येण्याची हौस नाही. पण लेकरंबाळांसाठी यावं लागतंय. 29 ऑगस्टला मुंबईला जायचं आहे. 27 ऑगस्टला सकाळी 10 वाजता आंतरवलीतून मुंबईला निघायचं. समाजाला डाग लागेल असं पाऊल उचलायचं नाही. कुणी दगडफेक आणि जाळपोळ करायची नाही”, असंदेखील आवाहन त्यांनी केलं.
“सरकार आपल्याला खूश करण्यासाठी वेगवेगळ्या घोषणा देईल आणि त्यांचेच पाठवलेले लोकं म्हणतील, फडणवीस देत नाही आणि हाणा दगडं. हे घडू शकतं. आपल्यापासून 5 फुटाच्या अंतरावरही दगडफेक होऊ शकते. पण लक्ष द्यायचं नाही. आपल्याला माहिती नाही म्हणायचं आणि सरळ मुंबईकडे चालायचं. एकाने सुद्धा हलायचं नाही”, अशी महत्त्वाची सूचना मनोज जरांगे यांनी दिली.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा