18 तासांच्या शस्त्रक्रिये नंतर वडिलांना जीवदान मिळाले. नंदुरबारची सून असलेल्या मीनल चौधरी व त्यांच्या सासरच्या मंडळींचे सर्वत्र कौतुक करण्यात येत आहे. धुळे जिल्ह्यातील दोंडाईचा येथील नरेंद्र वसंत चौधरी हे आजाराने ग्रस्त होते त्यांना शस्त्रक्रियेसाठी लिव्हरची आवश्यकता होती. त्यांची मुलगी मीनल मयूर चौधरी ही नंदुरबार येथील हेमचंद्र मोतीराम चौधरी यांची सून आहे. वडिलांना लिव्हरची आवश्यकता असल्याने स्वतःचे लिव्हर देण्याच्या निर्णय घेतला.
Nandurbar Crime : वहिनीला घटस्फोट देऊन ये, मोठ्या भावाकडून टाळाटाळ, धाकट्याने डोक्यात टिकाव घालत संपवलं, काय कारण?
तिला तीन वर्षाचा मुलगा आहे. त्यानंतर तिने वडिलांना लिव्हर देण्याचा निर्णयाबाबत सासरच्या मंडळींना सांगितले. यावेळी तिचे सासरे हेमचंद्र चौधरी तसेच पती मयूर चौधरी यांनी मीनल चौधरी हिने घेतलेल्या निर्णयाला पाठिंबा देत तिच्या निर्णयाच्या पाठीशी ठाम उभे राहिले. नवी मुंबईतील बेलापूर येथील अपोलो हॉस्पिटलमध्ये तिचे वडील नरेंद्र वसंत चौधरी यांच्यावर तब्बल १८ तास शस्त्रक्रिया करण्यात आली.
Nandurbar News: मुलीच्या उपचारासाठी आले, बसल्या-बसल्या मान टाकली; हार्ट अटॅक आलेल्या शिक्षकासाठी डॉक्टर देवदूत ठरले
डॉ. अशोक थोरात, डॉ. गुरुप्रसाद शेट्टी यांच्या मार्गदर्शनाखाली १२ डॉक्टरांच्या टिमने मेहनत घेवून आव्हानात्मक असलेली शस्त्रक्रिया यशस्वीरित्या पूर्ण केली. या शस्त्रक्रियेनंतर नरेंद्र वसंत चौधरी यांना जीवदान मिळाले आहे. दरम्यान, आजच्या युगात अनेक ठिकाणी नातेसंबंधात कटुता असताना सासरच्या मंडळींच्या पाठिंब्यामुळे वडिलांसाठी देवदूत बनणाऱ्या मुलीचे व सासरच्या मंडळींचे सर्वत्र कौतुक करण्यात येत आहे.