मंगलप्रभात लोढा काय म्हणाले?

दादर येथील कबुतरखान्यावर झालेल्या राड्यानंतर मंत्री मंगलप्रभात लोढा पाहणीसाठी आले. यावेळी पत्रकारांशी बोलताना ते म्हणाले की, “जे झालं ते चुकीचं झालं, काल मुख्यमंत्री देवेंद्र फडणवीस यांनी स्वतः मीटिंग घेऊन, सर्वांचं म्हणणं ऐकून योग्य निर्णय दिला होता. हा मॅटर फक्त हायकोर्टमध्ये प्रलंबित नाही, तर लोकांच्या आरोग्याच्या दृष्टीने काळजी घ्यावी लागेल. तरीही आज सकाळी जे झालं, ते चुकीचं होतं. म्हणून मी इथे आलो.”
Maharashtra Politics : भाजपचा शिवसेना-राष्ट्रवादीला ठेंगा, पुण्यात 110 जागांवर जाळं विणलं, दादा-भाईंची थेट नाराजी, काय घडतंय?
“माझी सर्व मुंबईकरांना विनंती आहे, की त्यांनी शांतता राखावी, कायदा हाती घेऊ नये, सरकारचं लक्ष आहे, उद्या कोर्टात काय निर्णय होतो, ते पाहू, तोपर्यंत सर्वांनी शांतता राखा.” असं आवाहन करताना लोढा म्हणाले की “मुख्यमंत्र्यांनी सर्वांचं ऐकून घेत निर्णय दिला की कबुतरांचा मृत्यू होता कामा नये, पण सामान्य माणसांच्या आरोग्याचीही काळजी घ्यायला हवी. याबाबत महापालिका योग्य ती खबरदारी घेईल.”

Sangli News : तासगावातील गौरी हत्तिणीला ‘वनतारा’तून 2 कोटींची ऑफर, गणपती पंचायतनच्या विश्वस्तांचा दावा, निर्णय काय?
दरम्यान, यानंतर लोढा जैन मंदिराच्या विश्वस्तांच्या भेटीसाठी गेले. त्याचवेळी जैन बांधवांनी आंदोलन मागे घेतलं. विश्वस्तांच्या भेटीनंतर माध्यमांशी संवाद साधताना लोढा म्हणाले, की “सूचना मिळाली म्हणून मी लगेच आलो, सकाळी झालं ते चुकीचं होतं. अधिकारी आणि ट्रस्टींशी बोललो, ते म्हणाले की इथे बाहेरचे लोक आले आणि त्यांनी आंदोलन केलं. मुख्यमंत्र्यांचे आभार मानत ट्रस्टी म्हणाले की फडणवीसांनी समाधानकारकच निर्णय दिला होता. जैन समाज किंवा साधूसंत आजच्या आंदोलनात सहभागी नव्हते. तरीही त्यांनी दिलगिरी व्यक्त केली, कोणालाही कायदा हातात घ्यायचा नाही” असं लोढांनी यावेळी स्पष्ट केलं.