प्रियकर रिक्षा चालकाला अटक

या प्रकरणी मृत त्रिशा केणेच्या भावाच्या फिर्यादीवरून भोईवाडा पोलिस ठाण्यात दिलेल्या तक्रारीवरून प्रियकरा विरोधात गुन्हा दाखल करण्यात आला आहे. पोलिसांनी या प्रियकर रिक्षा चालकाला अटक केली आहे. अतीक मोहम्मद फारूख अंसारी (27 रा. भिवंडी) असे अटक केलेल्या प्रियकराचं नाव आहे.
Ghaziabad News: आमच्या बॉडीला हात लावू नका, तुम्हाला पप्पा म्हणायलाही.. 22 पानांची चिठ्ठी लिहून भाऊ-बहिणीने जीव दिला
या घटनेबाबत सूत्रांनी दिलेल्या माहितीनुसार, मृतक तुषार उर्फ त्रिशा केणे भिवंडी शहरातील धामणकर नाका परिसरात त्यांच्या समुहासोबत राहत होते. तर आरोपी रिक्षा चालक अतिक हा भिवंडी शहरातील समानगर परिसरात राहतो. या दोघांमध्ये काही महिन्यापासून प्रेमसंबंध निर्माण झाले होते. याच प्रेमसंबंधातून अतिक हा मृतक त्रिशाला शारीरिक, मानसिक जाचासह वारंवार मोबाईल फोनद्वारे त्रास देत होता. यामुळे त्रिशा कंटाळली होती. अखेर या त्रासातून मुक्त होण्यासाठी तिने टोकाचं पाऊल उचललं. प्रियकर रिक्षा चालकाच्या जाचाला कंटाळून अखेर त्रिशाने 1 ऑगस्ट रोजी सायंकाळी आठ वाजताच्या सुमारास आपल्या आयुष्याची अखेर केली आहे. याप्रकरणी त्रिशाचा भाऊ याच्या फिर्यादीवरून रिक्षा चालक अतिक विरोधात त्रिशाला जीव देण्यास प्रवृत्त केल्याबाबत कलम 108 प्रमाणे गुन्हा दाखल करून त्याला 2 ऑगस्ट रोजी अटक करण्यात आली आहे. सध्या पोलिस याप्रकरणी तपास करत आहेत.

भोईवाड्याचे सहाय्यक पोलीस निरीक्षक शिवाजी पाटील यांनी याप्रकरणी माहिती देताना सांगितले की, पीडित आणि 28 वर्षीय आरोपी हे दोघेही भिवंडी शहरातील रहिवासी आहेत. आरोपी पीडितेला वारंवार फोन करून त्रास देत असे, अशी माहिती आहे. सततच्या छळाला कंटाळून पीडितेने 1 ऑगस्ट रोजी घराच्या छताला गळफास लावून जीव दिला.