Chhatrapati Sambhajinagar News : छत्रपती संभाजीनगरमध्ये भीषण अपघात झाला आहे. सैनिकाने आपल्या गाडीने दोन जणांना उडवल्याची धक्कादायक घटना समोर आली आहे. दोन जणांचा या अपघातामध्ये जागीच मृत्यू झाला आहे.
ज्ञानेश्वर राधाकृष्ण जाधव (वय ३४) रा. नांद्राबाद, अशोक यादव घुसळे (वय ५५) रा. नांद्राबाद तालुका खुलताबाद असे ठार झालेल्या दोघांची नावे आहेत. या प्रकरणी स्थानिकांनी दिलेल्या माहितीनुसार, छत्रपती संभाजी नगर शहरातील छावणी येथे कार्यरत असलेला एक सैनिक अधिकारी (कर्नल) पत्नीला घेऊन वेरूळ येथील घृष्णेश्वर मंदिराकडे स्वतःच्या चार चाकीने जात होता.
सिगारेटनं काळा धंदा उघडकीस, छत्रपती संभाजीनगरातील बनावट नोटांचा छापखाना उद्ध्वस्त, 88 लाखांचा मुद्देमाल जप्त
चार चाकी नांद्राबाद येथील तलत डीएड कॉलेज जवळ गेली. त्यावेळी रस्त्याने जाणाऱ्या दोन पादचाऱ्यांना सैनिक अधिकाऱ्यांच्या वाहनाने उडवले. यामध्ये दोघेजण गंभीर जखमी होऊन जागीच ठार झाले. या घटनेनंतर संबंधित अधिकाऱ्याने वाहन थेट पोलीस ठाण्यात घेऊन गेला. पोलिसांनी वाहन पोलीस ठाण्यात लावले असून या प्रकरणाचा पुढील तपास खुलताबाद पोलीस करीत आहे. या प्रकरणात अद्याप गुन्हा दाखल झाला नसून पोलीस घटनेच्या घटनाक्रम व माहिती घेऊन पुढील कारवाई करणार असल्याचं संबंधित पोलीस स्टेशनच्या वतीने सांगण्यात आला आहे.
Chhatrapati Sambhajinagar News : फळं, भाजीपाला, अन्नधान्य… छत्रपती संभाजीनगरमधून अमेरिकेत 2700 कोटींची निर्यात, टॅरिफचा उद्योगांना फटका
उडवणाऱ्या अधिकाऱ्याची प्रकृती खालावली…
स्थानिकांनी दिलेल्या माहितीनुसार घटनेनंतर घाबरलेल्या सैनिक अधिकारी याची देखील प्रकृती खालावली आहे. त्यामुळे संबंधित व्यक्तीला छत्रपती संभाजीनगर शहरातील खाजगी रुग्णालयात दाखल करण्यात आला असून त्याच्यावरती उपचार सुरू आहेत.