20 मित्रांसोबत पर्यटनाला गेला होता तरुण

अब्राहम शिन्से (वय-28, सध्या रा. बेथानी चर्च आश्रम, रामवाडी, पुणे, मूळ रा. केरळ) असे पाय घसरुन पडल्याने मृत्यू झालेल्या तरूणाचे नाव आहे. लोणावळा ग्रामीण पोलिसांनी दिलेल्या माहितीनुसार अब्राहम हा त्याच्या 20 मित्रांसोबत शनिवारी सकाळी पुण्याहून बसने मावळातील भाजे लेणी, विसापूर व लोहगड किल्ला परिसरात पावसाळी पर्यटनासाठी सकाळी साडेदहा वाजता मळवली परिसरात आले होते. यावेळी ते मित्र भाजे धबधबा येथे पर्यटनाचा आनंद लुटल्या नंतर ते विसापूर किल्ल्याच्या दिशेने निघाले.
Mumbai News: मी त्याला उडी घेताना पाहिलं… IIT मुंबई येथे विद्यार्थ्याने आयुष्य संपवलं, संपूर्ण कॅम्पसमध्ये खळबळ
विसापूर किल्ल्याकडे जाताना किल्ल्याच्या पायथ्याच्या डोंगरातील एका दरीतील धबधबा चढून ते किल्ल्यावर जात होते. यावेळी चढताना अब्राहमचा दरीतील धबधब्याच्या एका निसरड्या खडकावरून पाय घसरल्याने तो जोरात खडकावर पडल्यामुळे त्याच्या डोक्याला गंभीर दुखापत झाल्याने त्याचा जागीच मृत्यू झाला. घटनेची माहिती मिळताच लोणावळा ग्रामीण पोलिसांना मिळताच पोलिसांनी या घटनेसंदर्भात लोणावळ्यातील शिवदुर्ग मित्रच्या आपत्कालीन पथकाला कल्पना दिली. लोणावळा ग्रामीण पोलीस ठाण्याचे पोलीस हवालदार एच. एच. बोकड, जय पवार यांच्यासह शिवदुर्ग मित्रच्या आपत्कालीन पथकाचे सागर कुंभार, सागर दळवी, मोरेश्वर मांडेकर, यश मसने, राजेंद्र कडू, पिंटू मानकर, ओंकार पडवळ व अशोक उंबरे यांनी घटनास्थळी धाव घेत अब्राहम शिन्से याचा मृतदेह स्ट्रेचरवर मोठ्या खडतर परिस्थितीत डोंगर व दरीतून भाजे लेणीच्या पायथ्याशी आणला.

पोलिसांनी मृतदेह उत्तरीय तपासणीसाठी खंडाळा येथील शवविच्छेदन केंद्रात पाठवून उत्तरीय तपासणीसाठी त्याचा मृतदेह मित्रांच्या ताब्यात देण्यात आला. या घटनेचा पुढील तपास लोणावळा ग्रामीण पोलीस ठाण्याचे पोलीस हवालदार एच. एच. बोकड हे करीत आहेत.