मिळालेल्या माहितीनुसार, सुधाकर तुकाराम कांबळे (वय-65, रा. कांबळेवाडी, तासगाव, जि. सांगली) यांना त्यांचा मुलगा सचिन सुधाकर कांबळे (वय-45) याने लाथा-बुक्क्यांनी बेदम मारहाण केली. ही मारहाण इतकी गंभीर होती की त्यात सुधाकर कांबळे यांचा दुर्दैवी मृत्यू झाला. याप्रकरणी मयत सुधाकर कांबळे यांच्या पत्नी सुनिता अशोक कांबळे यांनी तासगाव पोलिसांत फिर्याद दिली आहे.
Delhi CA Case: तोंडात पाईप, मास्क, प्लास्टिकने केलं सील अन् मग हेलियम गॅस… CA ने इतक्या भयंकर पद्धतीने जीव का दिला?

नेमकं काय घडलं?

मयत सुधाकर कांबळे हे पत्नी आणि मुलगा सचिन यांच्यासोबत कांबळेवाडीत राहत होते. त्यांची आर्थिक परिस्थिती हलाखीची होती. या गरिबीवरून मुलगा सचिन नेहमी वडिलांशी वाद घालायचा. रविवार, 27 जुलै रोजीही सचिनने याच कारणावरून 65 वर्षीय वडिलांना दिवसभर लाथा-बुक्क्यांनी, गाल, कान आणि शरीरावर अनेक ठिकाणी ठोसे मारत मारहाण केली.सोमवारी (28 जुलै) सकाळी सुधाकर कांबळे यांची पत्नी त्यांना उठवण्यासाठी गेली असता, सुधाकर निपचित पडलेले दिसले. त्यांनी तातडीने शेजाऱ्या-पाजाऱ्यांना मदतीसाठी हाका मारल्या. सकाळी सुधाकर कांबळे यांचे मेहुणे कुमार मल्लाप्पा मागडे यांनी ‘112’ या पोलीस मदत क्रमांकावर फोन करून सुधाकर कांबळे यांचा गळा दाबून खून झाल्याची माहिती दिली.

पोलिसांचा तपास आणि अटकेची कारवाई

या घटनेची माहिती मिळताच, तासगाव पोलिसांनी तात्काळ घटनास्थळी धाव घेतली आणि तपास सुरू केला. घटनास्थळावरील प्राथमिक माहितीनुसार, पोलिसांनी संशयित सचिन कांबळे याला ताब्यात घेतले. मृत सुधाकर कांबळे यांचा मृतदेह शवविच्छेदनासाठी पाठवण्यात आला होता. शवविच्छेदनाच्या प्राथमिक अहवालातून सचिन कांबळेने केलेल्या मारहाणीमुळे वडिलांचा मृत्यू झाल्याची माहिती समोर आली आहे. यानंतर, तासगाव पोलिसांनी संशयित सचिन सुधाकर कांबळे यास खुनाच्या आरोपाखाली ताब्यात घेतले असून, अधिक तपास सुरू आहे.

या घटनेची माहिती मिळताच, अतिरिक्त पोलीस अधीक्षक कल्पना बारवकर, प्रभारी पोलीस उपविभागीय अधिकारी विमला एस, पोलीस निरीक्षक सोमनाथ वाघ, सहाय्यक पोलीस निरीक्षक दीपक पाटील, पोलीस उपनिरीक्षक अविनाश घोरपडे, पोलीस अंमलदार अभिजीत गायकवाड, सागर पाटील, प्रशांत चव्हाण, सतीश साठे आदींनी घटनास्थळी धाव घेऊन परिस्थितीचा आढावा घेतला.