रोहित पवार पुण्यात माध्यमांशी संवाद साधताना म्हणाले, गेले काही दिवस खडसे सरकारच्या विरोधात. भाजपमधील वरिष्ठ नेते महाजन यांच्याविरोधात बोलत आहेत. हे बोलत असतानाच ही कारवाई झाली आहे. रेव्ह पार्टीचे जे व्हिडिओ होते ते कोर्टात जाण्यापूर्वीच मीडियापर्यंत आले होते, त्यामध्ये मीडियाची चूक नाही. मग ते मीडियापर्यंत पोहोचवले कुणी मग ते पोलिसांनी पोहोचवले का? पोलिसांनी पोचवले असतील तर मुद्दामून राजकीय पब्लिसिटी व्हावी आणि ते राजकीय अडचणीत यावेत यामुळे हे व्हिडिओ दिले होते का? यावर शंका वाटत आहे.
Supriya Sule : सुप्रिया सुळे रोहिणी खडसेंच्या बाजूने बोलल्या, ससून रुग्णलयाच्या रिपोर्टबाबतही केला मोठा दावा
रोहित पवार पुढे म्हणाले, जे खरे ते पुढे आले पाहिजे. यामध्ये जर राजकारण असेल मुद्दामहून कुणाच्या घरामध्ये नाहीतर घरातल्या लोकांवर तिथं ट्रॅप करून या पद्धतीने कॅमेरा प्लेसमेंट जर केली असेल तर हे योग्य नाही. असं घडलं असेल तर राजकारणाची ही अतिशय खालची पातळी गाठली असेच म्हणावे लागेल, त्यांच्या तपासामध्ये जर ड्रग्स असतील तर हे योग्य नाही, असे म्हणत त्यांनी एकप्रकारे खडसेंची बाजू घेतली आहे.

यासोबतच रोहित पवारांनीही सुप्रिया सुळेंचा मुद्दा गिरवला आहे. ‘पूर्वीपासूनच ससूनचं नाव फार खराब झालेलं आहे, तिथं रिपोर्ट बदलले जातात. खोटे रिपोर्ट दिले जातात. यामध्ये काळजीपूर्वक आणि नि:पक्षपातीने तपास झाला पाहिजे’ असे रोहित पवारांनी नमूद केले.

यासोबतच त्यांनी स्वत:वरील कारवाईबाबतही यावेळी भाष्य केले. ‘जेव्हा मी युवा संघर्ष यात्रेच्या माध्यमातून 800 km चाललो होतो तेव्हा ईडीने माझ्यावरती कारवाई केली होती. अधिवेशनात मध्ये मी सरकारच्या विरोधात मुद्दे मांडले. तेव्हाही ईडीने लगेच चार्टशिट केली. मंत्री कोकाटेंचा व्हिडिओ व मी सोशल मीडियावरती टाकला तेंव्हा ही लगेच माझ्यावर 353 ची कारवाई झाली,’ असेही पवार म्हणाले.