“महाराष्ट्राच्या मनात काय आहे हे तुम्हाला विधानसभेच्या निवडणुकीत दिसलं आणि महाराष्ट्राच्या मनात नेमकं काय आहे हे तुम्हा या येत्या स्थानिक स्वराज्य संस्थांच्या निवडणुकांमध्येही दिसेल. पण काही पक्षांच्या नेत्यांच्या मनात काय आहे हे महाराष्ट्राच्या मनातलं आहे, असं म्हणणं योग्य नाहीय. फार मोठं वक्तव्य होईल”, अशी देखील प्रतिक्रिया देवेंद्र फडणवीस यांनी दिली.

संजय शिरसाट आणि माधुरी मिसाळ यांच्या लेटरवॉर फडणवीसांची प्रतिक्रिया

“मंत्र्यांनी अशा प्रकारे पत्र लिहून वाद निर्माण करु नये. मंत्र्यांनी आपापसात बोलावं. मंत्र्यांना काही अडचणी असतील तर त्यांनी त्या मला येऊन सांगाव्यात. म्हणजे त्यातल्या अडचणी आपल्या दूर करता येतील. शेवटी मंत्री आणि राज्यमंत्री हे दोघेही शासनाचे भाग असतात. सगळे अधिकार मंत्र्यांकडे असतात. मंत्री जे अधिकार देतात ते राज्यमंत्र्यांचे अधिकार असतात. त्यामुळे याबाबत कोणतंही कन्फ्युजन नाही. पण राज्यमंत्र्यांना बैठका घेण्याचा अधिकार नाही, असं मानणं चुकीचं आहे”, असं फडणवीस यांनी स्पष्ट केलं.

“राज्यमंत्र्यांना बैठका घेण्याचा पूर्ण अधिकार आहे. पण अशा प्रकारच्या बैठकांमध्ये जे धोरणात्मक निर्णय असतील, ते मंत्र्यांशी बोलल्याशिवाय घेता येत नाही. त्यासाठी मंत्र्यांची मान्यता लागते. मंत्री आणि राज्यमंत्री दोघांनी सामंजस्य दाखवलं पाहिजे. काही अडचण असेल तर माझ्याशी बोललं पाहिजे”, असं देवेंद्र फडणवीस म्हणाल्या.

पुण्यातल्या रेव्ह पार्टीच्या कारवाईवर फडणवीसांची प्रतिक्रिया

“मी पण हे माध्यमातच पाहिलं आहे. आपण स्वत: बघितलं की, मी सुद्धा सकाळपासून कार्यक्रमांमध्ये आहे. त्यामुळे मला त्याचं ब्रिफिंग घेता आलेलं नाही. पण माध्यमांमध्ये आलेल्या माहितीनुसार, पोलिसांनी एक रेव्ह पार्टीवर कारवाई केली आहे. त्यामध्ये काही लोक सापडले आहेत. त्यामध्ये ड्रग्ज सापडले आहेत. आता मी याबाबत पूर्ण माहिती घेईन त्यावेळी त्यार बोलेन. पण प्राथमिक अशा स्वरुपाचा गुन्हा घडला असं दिसतंय”, अशी प्रतिक्रिया देवेंद्र फडणवीस यांनी दिली.