नेमकं काय प्रकरण?

जळगावमधील भुसावळ येथे अल्पवयीन मुलीचे वडील कॉन्ट्रॅक्टर असून वडील घरी नसताना आईचा मित्र मयूर शिंपी हा पिझ्झा घेऊन येण्याच्या पाहण्याने घरी आला होता. मुलीची आई चहा करण्यासाठी किचनमध्ये गेल्यावर आरोपी मयूर शिंपी या संशयिताने अल्पवयीन मुलीचा हात पकडून हाताचे चुंबन घेतले. मुलीच्या पाठीवर हात फिरवत तिचा विनयभंग केला. एवढंच नाही तर टीव्ही बंद करण्याच्या बहाण्याने मिठीत घेतले, मात्र मुलीने यास विरोध करत संशयिताचे हात झटकले. त्यावेळी तिच्या आईने “बेटा तू मुलगी आहे, चालतंच” असं म्हणत मित्राच्या कृत्याचे समर्थन केले.
हनी ट्रॅपवरुन आरोप-प्रत्यारोप! वडिलांना खडसे व ‘मोठ्या साहेबां’नी अडकवले, प्रफुल्ल लोढाच्या मुलाचा आरोप
आईच्या मित्राने अल्पवयीन मुलीच्या शिकवणी ठिकाणी जात शिकवणीच्या जिन्यामध्ये मुलीला गाठलं. त्यावेळी तिचा हात पकडून दुष्कृत्य करण्याचाही प्रयत्न केला. आईच्या मित्राकडून केले जात असलेले कृत्य आणि आईचे त्याला असलेले समर्थन याला वैतागून अल्पवयीन मुलीने या प्रकरणी भुसावळ शहर पोलीस ठाण्यात आईसह तिचा मित्र मयूर शिंपी याच्या विरुद्ध तक्रार दिली. या तक्रारीवरून पोलिसांनी दोघांविरुद्ध विनयभंग आणि पॉक्सो अंतर्गत गुन्हा दाखल केला आहे. गुन्हा दाखल होताच संशयित मयूर शिंपी हा फरार झाला आहे. या प्रकरणाची पोलिसांकडून गांभीर्याने सखोल तपासणी केली जात असून फरार संशयिताचा पोलिसांकडून शोध सुरू आहे.