याबाबत अधिक माहिती अशी की, दातीर आणि घुले हे दोघे मित्र मंगळवारी हरिहर गडावर पर्यटनासाठी गेले होते. रात्री परतीच्या वाटेवर, त्र्यंबकेश्वर परिसरात काही मित्रांना भेटून ते नाशिकला परत येत होते.

बेझे फाट्याजवळ कार आली असताना चालकाचे नियंत्रण सुटल्याने वेगात असलेली कार दुभाजकावर आदळली. यामुळे ती दूर फेकली जाऊन तिने तीन-चार पलट्या खाल्ल्या आणि दीडशे ते दोनशे मीटर घसरत जाऊन ती रस्त्याच्या कडेला झाडावर आदळली.

अपघात इतका भीषण होता की, दातीर आणि घुले हे दोघे गंभीर जखमी झाले. स्थानिकांनी दिलेल्या माहितीनंतर पोलिसांनी घटनास्थळी धाव घेतली. दोघांना बाहेर काढून रुग्णालयात नेत असतानाच त्यांचा मृत्यू झाला. पंकजच्या मागे पत्नी, मुलगा आणि आई असा परिवार आहे. तर अभिषेक अविवाहित होता. त्याच्या पश्चात आई-वडील आणि भावंडे आहेत.
Nashik Accident : दादा, एवढा लेट झालाय, सकाळी जा; नातेवाईकांचा आग्रह मोडला, कार नाल्यात कोसळून सात जणांचा दुर्दैवी अंत

बालमित्रांचा एकत्रच अंत

पंकज आणि अभिषेक हे दोघे इयत्ता पहिलीपासून एकाच वर्गात होते. बालपणापासून दोघांची घट्ट मैत्री होती. दोघांचाही स्वभाव मितभाषी, मनमिळावू होता. त्यांचा पंचक्रोशीत चांगला संपर्क होता. दोघांच्या निधनाची बातमी पसरताच अंबडसह आसपासच्या गावांतून मित्र, नातेवाइकांनी धाव घेतली.
Solapur Accident : टेम्पोची ओम्नीला जोरदार धडक, महाराष्ट्रातील प्रसिद्ध हॉटेल मालकासह ड्रायव्हरचा अपघातात मृत्यू

अंत्यविधीसाठीही मोठी गर्दी झाली होती. दोघांच्या एकाचवेळी अंत्ययात्रा निघाल्याने अनेकांना अश्रू अनावर झाले. पंकज अंबड येथील एका कंपनीत एचआर मॅनेजर म्हणून कार्यरत होता. वडिलांच्या अपघाती निधनानंतर तो कुटुंबाचा एकमेव आधार होता. होतकरू तरुणांच्या जाण्याने परिसरात हळहळ व्यक्त करण्यात येत होती.