या घटनेनंतर तिला तातडीने मुंबईच्या के.ई.एम. हॉस्पिटलमध्ये दाखल करण्यात आले. पण, उपचारादरम्यान तिचा दुर्दैवी मृत्यू झाला. याप्रकरणी नाशिकच्या म्हसरूळ पोलीस ठाण्यात अकस्मात मृत्यूची नोंद करण्यात आली आहे. या घटनेने या अल्पवयीन मुलीच्या कुटुंबीयांना मोठा धक्का बसला आहे. फक्त डान्स क्लास लावून दिला नाही म्हणून आपली मुलगी असं काही करेल, अशी कल्पनाही तिच्या पालकांनी कधी केली नसेल.

याप्रकरणी पोलिसांनी दिलेल्या अधिक माहितीनुसार, मुलीच्या कुटुंबियांचे जबाब नोंदवण्यात आले आहेत आणि या प्रकरणाचा तपास सुरू आहे. पोलिसांनी नागरिकांना आवाहन केले आहे की, मुलांमध्ये सहनशीलता वाढवण्यासाठी पालकांनी लक्ष देणे आवश्यक आहे.

नाशकात महिला पोलिसाच्या मुलीने आयुष्य संपवलं

दोन दिवसांपूर्वी नाशकात आणखी एका तरुणीने आपला जीव दिला. पूजा डांबरे नावाच्या 20 वर्षीय तरुणीने आपल्या आयुष्याची अखेर केली. तिने नुकतीच बारावीची परीक्षा उत्तीर्ण झाली होती. पूजाची आई नाशिक पोलीस दलात अंमलदार म्हणून कार्यरत आहे. जीव देण्यापू्र्वी पूजाने एक पत्र लिहिलं होते, ज्यात तिने तिच्या भावना व्यक्त केल्या होत्या.”आई, तुझी कामामुळे खूप धावपळ होते. तुला त्रास द्यायचा नाही. माझा शैक्षणिक खर्च फार आहे. तू टेन्शन घेऊ नको” असे पूजाने या पत्रात लिहिले होते.

पूजाचे वडील आणि आई विभक्त राहत होते, त्यामुळे ती आईसोबत राहत होती. आईच्या कामाच्या स्वरूपामुळे आणि ड्युटीच्या तासांमुळे पूजाला पुरेसा वेळ मिळत नव्हता, त्यामुळे ती नैराश्यात होती, असं सांगण्यात येत आहे. शिक्षणाचा वाढता खर्च आणि त्यामुळे आईवर येणारा ताण यामुळे तिने हे टोकाचे पाऊल उचलले असावे, असा प्राथमिक अंदाज पोलिसांनी वर्तवला आहे. ही घटना आडगाव परिसरातील आहे आणि आडगाव पोलीस ठाण्यात या प्रकरणी अकस्मात मृत्यूची नोंद करण्यात आली आहे.