पोलिसांनी दिलेल्या माहितीनुसार, फिर्यादीची ‘ग्रिन्डर’ या ॲपवर आरोपीसोबत ओळख झाली. आरोपीने त्याला नांदेडसिटी गेटजवळ बोलावले. तिथून त्याला जबरदस्तीने कारमध्ये बसवले आणि एका मैदानावर नेऊन त्याच्यावर अत्याचार करण्याचा प्रयत्न केला. तसंच या सगळ्या प्रकाराचा व्हिडिओ बनवून त्याला ब्लॅकमेल केले. आरोपीने पीडित तरुणाकडून 10 हजार रुपयांची खंडणी मागितली आणि पैसे न दिल्यास व्हिडिओ व्हायरल करण्याची धमकी दिली.

Jalgaon Crime : ‘तू मला फक्त…. ‘मॅट्रिमोनियल साईटवरून तहसीलदार असल्याचं सांगितलं, तरूणीला ओढलं जाळ्यात जळगाव हादरलं

पीडित युवकाने पैसे देण्यास नकार दिला. त्यामुळे आरोपीने त्याचा मोबाईल हिसकावला. तसंच मित्राच्या Google Pay व PhonePe वर 10 हजार रुपये ट्रान्सफर केले. “घडलेली घटना कुणालाही सांगितलीस तर जिवंत ठेवणार नाही,” अशी धमकीही पीडित तरुणाला देण्यात दिली.

या प्रकरणी नांदेडसिटी पोलीस ठाण्यात गुन्हा दाखल करण्यात आला आहे. IPC 2023 च्या कलम 309(3), 115(2), 351(3), 131(2)(5) अंतर्गत गु.र.नं. 138/2025 अन्वये गुन्हा नोंदवला आहे. पोलिसांनी रॉबीन उर्फ शुभम उपेंद्र कांबळे (वय 27) याला अटक केली आहे. तो नांदेडफाटा, सिंहगड रोड येथे राहतो. त्याला 17 जुलै 2025 पर्यंत पोलिस कोठडी सुनावण्यात आली आहे. तसंच, ओंकार मंडलिक नावाचा दुसरा आरोपी फरार आहे. पोलीस त्याचा शोध घेत आहेत.

दरम्यान, पोलीस आयुक्त अमितेश कुमार यांच्या मार्गदर्शनाखाली ही कारवाई करण्यात आली. लोकांना सायबर गुन्ह्यांपासून सावध राहण्याचे आवाहन पोलिसांनी केले आहे.