पुण्याच्या राजकारणात मोठ्या घडामोडी घडण्याचे संकेत आहेत. कारण उपमुख्यमंत्री अजित पवार यांनी बैठकीत कार्यकर्त्यांना आगामी निवडणुकीच्या पार्श्वभूमीवर कामाला लागण्याचे आदेश दिले आहेत. पुण्यात राष्ट्रवादी अजित पवार गटाची महत्वाची बैठक पार पडली. यावेळी अजित पवारांनी कार्यकर्ते आणि पदाधिकाऱ्यांशी संवाद साधला. त्यांनी कार्यकर्ते पदाधिकाऱ्यांनी निवडणुकीकरिता संघटना वाढीच्या सूचना दिल्या आहेत.
महाराष्ट्राच्या राजकारणाच्या केंद्रभागी असणारे दोन्ही भाऊ कायम सोबत राहणार? बड्या नेत्याची महत्त्वाची प्रतिक्रिया
माध्यमांशी संवाद साधताना अजित पवार म्हणाले की, ‘निवडणुका जवळ आल्या आहेत, मी पालकमंत्री आहे. पुणे महानगरपालिका आमच्याकडे होती. अनेक वर्ष दोन्ही महानगरपालिका सत्तेत होतो. आता आगामी निवडणुकीसाठी संघटना वाढवण्यासाठी कार्यकर्ते पदाधिकाऱ्यांना सूचना दिल्या आहेत.’ तर अजित पवारांनी कार्यकर्त्यांना म्हटले की, निवडणुकीचा जो निर्णय होईल तो होईल, आपण आपली प्रत्येक प्रभागात तयारी करा. पुण्यात प्रत्येक प्रभागापर्यंत पक्ष पोहोचवा, सदस्य नोंदणी करा, मी स्वतः पुण्यात पक्षात लक्ष घालेन, या सर्वांचा मी ऑगस्ट महिन्यात आढावा घेईन’

दरम्यान, नवीन शहराध्यक्षांना कार्यकारिणी तयार करून कामाला लागण्याच्या सूचना अजित पवारांनी दिल्या. तसेच ‘निवडणुका एकत्रित लढवायच्या का यामध्ये सगळे निर्णय युतीबाबत वरिष्ठ घेतील,’ असेही पवारांनी नमूद केले आहे.