प्रदेशाध्यक्षपदी मराठी चेहऱ्याला संधी दिल्यानंतर मुंबई अध्यक्षपदीही मराठी नावालाच पसंती दिली जाऊ शकते, अशी शक्यता आहे. मराठी भाषेवरून सुरू झालेल्या वादाच्या पार्श्वभूमीवर पुन्हा मराठी नावालाच पसंती देण्याचा विचार पक्षश्रेष्ठींकडून केला जात असल्याचे सांगण्यात येते.
Sanjay Shirsat: संजय राऊतांना देणार अब्रुनुकसानीची नोटीस; संजय शिरसाट यांचा इशारा, व्हिडीओ मॉर्फ केल्याचा दावा
भारतीय जनता पक्षाच्या महाराष्ट्र प्रदेशाध्यक्षपदी माजी मंत्री रवींद्र चव्हाण यांची निवड नुकतीच जाहीर करण्यात आली आहे. त्यानंतर आता सर्वांचे लक्ष मुंबई भाजप अध्यक्षपदाकडे आहे. काही दिवसांपूर्वीच पक्षाने सध्याचे अध्यक्ष आशीष शेलार यांच्याकडे ही जबाबदारी कायम ठेवण्याचे निश्चित केले होते. मात्र स्वत: शेलार यांच्याकडे सध्या मंत्रिपदाचीही जाबबदारी असल्याने त्यांनी हे पद कायम ठेवण्यास असमर्थता दर्शविल्याचे कळते. त्यामुळे आगामी मुंबई महानगरपालिका निवडणुका लक्षात घेता नव्या अध्यक्षांच्या निवडीसाठी पक्षाने चाचपणी सुरू केल्याची माहिती पक्षातील सूत्रांकडून देण्यात आली.
MHADA Lottery: हक्काचं घर घ्यायची सुवर्णसंधी! म्हाडाच्या 5000 घरांबाबत मोठी अपडेट, उद्यापासून करता येणार अर्ज
या नावांचीही चर्चा
मुंबईत सध्या मराठी भाषा आणि त्यावरूरुन नवा वाद सुरू झाला आहे. त्यामुळे आगामी महानगरपालिका निवडणुका लक्षात घेता पक्षाने मुंबई अध्यक्षपदासाठी मराठी चेहऱ्याला पसंती दर्शविण्याचे निश्चित केल्याचे कळते. या पदासाठी अनेक नावाची चर्चा सुरू असून त्यात भाजपचे विधान परिषदेचे गटनेते प्रवीण दरेकर, आमदार अतुल भातखळकर आणि अमित साटम यांच्या नावाची चर्चा सुरू असल्याची माहिती सूत्रांकडून देण्यात आली आहे. मुंबई भाजपचे अध्यक्षपद निवडीचा निर्णय येत्या काही दिवसांत घेतला जाऊ शकतो, यासाठी लवकरच मुख्यमंत्री देवेंद्र फडणवीस हे दिल्लीतील नेत्यांशी चर्चा करणार असल्याचेही सांगितले जात आहे.