खेळताना एसीचा शॉक लागला आणि भयंकर घडलं

बीच कॉम्प्लेक्स ही सोसायटी नायगाव परिसरात असून या सोसायटीत आकाश साहू पंधरा वर्षाचा, इयत्ता दहावीत शिकणारा मुलगा आपल्या कुटुंबासह राहत होता. आकाश आणि त्याचे मित्र संध्याकाळच्या वेळी सोसायटीच्या आवारात बॅडमिंटन खेळत होते. खाली ग्राऊंट फ्लोअरवर बॅडमिंटन खेळताना शटल कॉक पहिल्या मजल्यावर गॅलरीच्या सज्जावर अडकलं. अडकलेलं शटल कॉक काढण्यासाठी आकाश पहिल्या मजल्याच्या सज्जावर वर चढला.
Pune Crime : पुण्यात खळबळ, अनैतिक संबंधातून तरुणाला संपवलं, मंदिराच्या पायथ्याशी… दौंड हादरलं
पहिल्याच मजल्यावर खिडकीबाहेर एसी लावलेला होता. पहिल्या मजल्यावरुन सज्जावर असलेल्या एसीच्या विद्युत प्रवाहाचा आकाशला जोरदार धक्का लागला आणि आकाश खाली कोसळला. ही संपूर्ण घटना सीसीटीव्ही कॅमेरात कैद झाली आहे.
Vasai News : वसईत पुलाखाली बाळाचा आवाज, रडण्याच्या दिशेने गेले आणि… कचऱ्यात प्लास्टिकच्या गोणीत आढळलं नवजात अर्भक
शुक्रवारी, ११ जुलै रोजी सायंकाळी सात वाजताच्या सुमारास ही घटना घडली आहे. विजेचा शॉक लागून खाली कोसळलेल्या आकाश याला उपचारासाठी तातडीने रुग्णालयात दाखल करण्यात आलं. मात्र रुग्णालयात दाखल करण्यापूर्वीच त्याचा विजेच्या धक्क्याने मृत्यू झाला असल्याचं डॉक्टरांनी घोषित केलं.

घटनेची माहिती मिळाल्यानंतर माणिकपूर पोलीस देखील घटनास्थळी दाखल झाले आणि घटनास्थळाचा पंचनामा करण्यात आला आहे. याप्रकरणी माणिकपूर पोलीस ठाण्यात मृत्यूची नोंद करण्यात आली असून अधिक तपास पोलीस करत आहेत. शॉक लागून लेकाच्या झालेल्या मृत्यूने साहू कुटुंबावर दु:खाचा डोंगर कोसळला आहे. या घटनेनंतर विजेच्या उपकरणांची वेळोवेळी दुरुस्ती करणं, तसंच त्याची योग्य ती काळजी घेणं गरजेचं आहे.