इंदापूर तालुक्यातील कचरवाडी येथील युवा शेतकऱ्यांनी आधुनिक शेतीला डिजिटल मार्केटिंगची जोड देत एक नवा आदर्श निर्माण केला आहे. अमर बरळ या शेतकऱ्याने इंदापूरमध्ये पिकवलेल्या दर्जेदार जांभळांची विक्री थेट ॲमेझॉन आणि बिग बास्केटसारख्या नामांकित ई-कॉमर्स प्लॅटफॉर्मवर सुरू केली आहे. या अभिनव उपक्रमामुळे इंदापूरच्या जांभळांना आता केवळ राज्यभर नव्हे, तर देशभरातून मागणी येऊ लागली आहे. पारंपरिक बाजारपेठांच्या पलीकडे जाऊन, डिजिटल प्लॅटफॉर्मचा वापर करून उत्पादन थेट ग्राहकांपर्यंत पोहोचवण्याचा त्यांचा प्रयत्न इतर शेतकऱ्यांसाठीही प्रेरणादायी ठरत आहे.