Railway-Metro Integration: मुंबईतील लोकल आणि मेट्रो रेल्वेच्या जाळ्यांचे एकत्रीकरण करण्यासाठी केंद्र आणि राज्य सरकारने एक समिती स्थापन केली आहे. ही समिती रेल्वे स्थानके आणि मेट्रो स्थानके जोडण्यासाठी समन्वय साधेल आणि आवश्यक उपाययोजना सुचवेल. प्रवाशांना अधिक सुविधा मिळाव्यात आणि वाहतूक व्यवस्था अधिक सुलभ व्हावी, यासाठी हे पाऊल उचलण्यात आले आहे.
शहरी एकात्मिक वाहतूक, सुरक्षितता आणि पायाभूत सुविधांचा योग्य वापर करण्यासाठी रेल्वे मंडळाच्या कार्यक्षमता आणि संशोधन विभागाचे कार्यकारी संचालक संजीव कूमार मुंबई रेल्वे विकास महामंडळाला (एमआरव्हीसी) पत्र पाठवले आहे. मुंबई लोकल आणि मुंबई मेट्रो यांचे एकत्रिकरण करणे, शक्य तेथे पादचारी पूल किंवा अन्य पर्यायाने रेल्वे स्थानके आणि मेट्रो यांना जोडणी देण्यासाठी आवश्यक त्या उपाययोजना करण्याच्या सूचना पत्रात करण्यात आल्या आहेत.
Mumbai Metro: मुंबईत वाहतुकीचा मोठा खोळंबा; मेट्रोसह मोनोही ठप्प, घाटकोपर स्थानकावर प्रवाशांची भलीमोठी रांग
केंद्र सरकारच्या सूचनेनुसार महामुंबईतील सर्व वाहतूक यंत्रणामध्ये समन्वयासाठी एक समिती स्थापन करण्यात आली आहे. मुंबई मेट्रो उभारणीचे बहुतांशी कामे मुंबई महानगर प्रदेश विकास प्राधिकरणाकडून (एमएमआरडीए) केले जात आहे. यामुळे समितीचे अध्यक्षपद एमएमआरडीएकडे सोपवण्यात आले आहे. समितीमध्ये मध्य रेल्वे, पश्चिम रेल्वे, मुंबई रेल्वे विकास महामंडळ, मेट्रो, सिडको, बेस्ट, महारेल यांसह नगर विकास विभाग यांच्याकडून प्रत्येकी एक सदस्य नियुक्त करण्यात आला आहे.
जबाबदारी निश्चित करणार
‘रेल्वे स्थानक परिसरातून जाणाऱ्या मेट्रो मार्गिका किंवा जवळील मेट्रो स्थानक जोडण्यासाठी पादचारी पूल उभारणी, भुयारी मार्ग उभारणे किंवा अन्य पर्याय यांबाबत शिफारस करणार आहे. त्याचबरोबर उभारणीसाठी जबाबदारी निश्चित करणार आहे. समितीमध्ये राज्यातील प्रमुख वाहतूक संस्थांचे प्रतिनिधी असल्याने त्याची अंमलबजावणी वेगाने आणि अडथळ्यांशिवाय शक्य होणार आहे’, असे वरिष्ठ रेल्वे अधिकाऱ्यांनी सांगितले.
विस्तृत नियोजन अपेक्षित
केंद्राच्या सूचनेनुसार लोकल आणि मेट्रोचे एकत्रीकरण करण्यासाठी आपले प्रतिनिधी द्यावेत असे पत्र यापूर्वीच सर्व संस्थांना देण्यात आले आहे. लवकरच सर्व संस्था प्रतिनिधींची एकत्रित बैठक होऊन मेट्रो आणि लोकल यांच्या एकत्रीकरणाचे विस्तृत नियोजन करण्यात येणार आहे.
Sanjay Gaikwad | कर्मचाऱ्याला माराहाणीनंतर संजय गायकवाड थेट विधानभवनात निकृष्ट जेवण घेऊन पोहोचले
लोकलच्या विस्ताराचा विचार
मध्य रेल्वेच्या मुख्य मार्गावरील लोकल सीएसएमटी ते कल्याण / कसारा /कर्जतदरम्यान धावते. ट्रान्सहार्बरवर ठाणे ते पनवेल / वाशी आणि हार्बर मार्गावर सीएसएमटी ते पनवेल / वाशी मार्गावर लोकल धावती आहे. पश्चिम रेल्वेवर चर्चगेट ते विरार आणि डहाणू रोडपर्यंत लोकलचा विस्तार आहे.