पोलादपूर पोलीस ठाण्याच्या हद्दीत 30 एप्रिल 2025 रोजी जुन्या मुंबई – गोवा राष्ट्रीय महामार्गावरील दरीत एका अज्ञात व्यक्तीचा साधारणत: तीन दिवस कुजलेला मृतदेह काँक्रीटच्या संरक्षक भिंतीपलीकडे आढळून आला होता. या घटनेची माहिती भोगावच्या पोलीस पाटील शुभांगी राकेश उतेकर यांनी 30 एप्रिल 2025 रोजी दिल्यानुसार, मृतदेह दोन ते तीन दिवस कुजल्याने परिसरात दुर्गंधी पसरली होती. या घटनेनंतर पोलादपूर पोलिसांनी तांत्रिक आणि मानवी गुप्त माहितीच्या आधारे मृतदेहाची ओळख पटवत तातडीने तपास केला. केवळ चार दिवसांनी अक्षय जाधव या तरुणाला पोलादपूर पोलीसांनी तपासाअंती ताब्यात घेतलं. अक्षय जाधव याच्याकडून मिळालेल्या माहितीनुसार मृत व्यक्तीचं नांव सुनील दादा हसे, (वय-54, रा. अंबड, ता-अकोले, जि.-अहिल्यानगर) असं होतं. या हत्येमध्ये मुख्य दोन आरोपींचा सहभाग उघडकीस आला.
विवाहित गर्लफ्रेंडला बिअर पाजली अन् मग संपवून नदीत फेकलं, कारण… LOVE STORYचा भयंकर अंत
सुनील हसे हा वॉक्सवॅगन कार (क्रमांक एमएच 15 डीएस 8005) ही भाडयाने देणं आणि स्वत: वाहन चालवून उपजिविका साधणं असा व्यवसाय रत्नागिरी जिल्ह्यातील चिपळूण तालुक्यातील सती या गावात राहून करत होता. त्याची वंदना दादासाहेब पुणेकर (वय 36, रा.लेन, जयसिंगपूर, ता.कोल्हापूर) हिच्यासोबत गाडीने लिफ्ट देण्याच्या निमित्ताने ओळख झाली. वंदना पुणेकर हिला सुनील हसे हा श्रीमंत आणि सधन वाटल्याने तिने त्याला जाळयात ओढलं. मात्र, त्याच्याकडे फारसं काही आढळून न आल्याने तिने अक्षय जाधवसोबत त्याला संपवण्याचा घाट घातला. यासाठी तिने तिचा नवरा मोहन सोनार, (वय-54, रा-बोरसूत, ता-संगमेश्वर, जि-रत्नागिरी) याची मदत घेतली.
Ratnagiri News : दोन वर्षापूर्वी साखरपुडा, पण लग्नाआधीच तरुणाचं टोकाचं पाऊल; रत्नागिरीत काय घडलं?
पती मोहनच्या मदतीने वंदना पुणेकर हिने सुनील हसे याच्या गाडीमध्ये मागील सीटवर बसून सुनील हसेला 27 एप्रिल 2025 रोजी पहाटेच्या सुमारास गुंगीचं औषध पाजलं आणि त्याला कराड चिपळूणमार्गे पोलादपूरच्या दिशेने आणताना गाडीतच ओढणीने मागील सीटवर गळा आवळून ठार मारलं. त्यानंतर पोलादपूर तालुक्यातील कशेडी घाटातील जुन्या महामार्गालगत काँक्रीटच्या संरक्षक कठड्यालगत दरीमध्ये टाकलं. यानंतर हे दोघे आरोपी गेल्या दोन महिन्यांपासून फरार होते आणि आपली ओळख लपवत कर्नाटकमधील सीमाभागात लपून राहत होते. मात्र दोन्ही प्रमुख आरोपींना महाराष्ट्र व कर्नाटक राज्यांच्या सीमावर्ती भागातून आरोपी वंदना पुणेकर आणि मोहन सोनार या दोघांना पोलादपूर पोलिसांच्या अथक प्रयत्नांमुळे व मानवी गुप्त माहितीच्या आधारे ताब्यात घेण्यात आलं.

पोलादपूर पोलीसांनी अज्ञात मृतदेहाची ओळख पटवण्यापासून खुनाचे धागेदोरे स्पष्ट करण्यापर्यंत तीन आरोपींना ताब्यात घेतलं. वंदना पुणेकर आणि मोहन पांडुरंग सोनार या दोघांविरुद्ध पोलादपूर पोलीस ठाण्यात बीएनएस कलम 103 (1), 238, 3 (5) नुसार गुन्हा दाखल करण्यात आला असून त्यांना न्यायालयात हजर करण्यात आले आहे.