मोहम्मद अहमद खान हा छांगूर बाबाचा उजवा हात मानला जातो. तो छांगूर बाबाच्या आर्थिक व्यवहारांचे आणि धर्मांतरणाच्या फंडिंगचे व्यवस्थापन करतो. उत्तर प्रदेश एटीएस, लखनऊ आणि बलरामपूर पोलिसांची टीम आरोपीच्या शोधात छापेमारी करत आहे. परंतु अद्याप त्याला पकडण्यात यश आलेले नाही. पोलीस अधिकाऱ्यांच्या माहितीनुसार, आरोपी वारंवार आपले ठिकाण बदलत असल्यामुळे त्याला पकडणे कठीण झाले आहे.

बलरामपूरचा रहिवासी असलेल्या मोहम्मद अहमद खान याच्याविरुद्ध फसवणूक, बनावट कागदपत्रांच्या आधारे मालमत्ता हडपणे आणि भूमाफियागिरीशी संबंधित अनेक गुन्हे दाखल आहेत. ही सर्व कृत्ये धर्मांतरणाचे नेटवर्क मजबूत करण्यासाठी केली जात होती, असा आरोप आहे. सूत्रांनी दिलेल्या माहितीनुसार, आरोपी खानने पुण्यातील पिंपरी परिसरात सुमारे 100 कोटी रुपयांपेक्षा जास्त संपत्ती जमा केली आहे. येथे कथितरित्या एक कट्टरपंथी प्रशिक्षण केंद्र चालवले जाते, जिथे धर्मांतरणासाठी लोकांना प्रवृत्त केले जाते आणि त्यांना कट्टर इस्लामी विचारधारेचे प्रशिक्षण दिले जाते.

प्रकरणाचे गांभीर्य लक्षात घेऊन केंद्र आणि राज्य सुरक्षा यंत्रणा सतर्क झाल्या आहेत. मोहम्मद अहमद खानला अटक करण्यासाठी लवकरच मोठी कारवाई होण्याची शक्यता आहे. खानच्या अटकेमुळे धर्मांतर रॅकेट आणि दहशतवादी फंडिंगचे नेटवर्क उद्ध्वस्त करता येईल, असा विश्वास यंत्रणांना आहे. छांगूर बाबा च्या आलिशान कोठीवर प्रशासनाने बुलडोझर चालवला. ती कोठी अवैधपणे बांधली गेली होती. छांगूर बाबा आपल्या साथीदारांसोबत तेथे राहत होता. तो तेथूनच धर्मांतरणाचे रॅकेट चालवत होता. याव्यतिरिक्त, अनेक संशयास्पद कारवाया तेथे केल्या जात होत्या.

छांगूर बाबाच्या आलिशान कोठीवर प्रशासनाने बुलडोझर चालवला. तिथे अनेक वस्तू सापडल्या. छांगूर बाबा केवळ परदेशी वस्तू वापरत होता. या वस्तू दुबईहून येत होत्या. छांगुर बाबाने कोठीच्या आत एक गुप्त कक्ष बनवला होता, जिथे धर्मांतरण झालेल्या मुलींना ठेवले जात होते. सुत्रांनी दिलेल्या माहितीनुसार, आरोपी खानने महाराष्ट्रातील पिंपरी परिसरात सुमारे 100 कोटी रुपयांपेक्षा जास्त संपत्ती जमा केली आहे. येथे कथितरित्या एक कट्टरपंथी प्रशिक्षण केंद्र चालवले जाते, जिथे धर्मांतरणासाठी लोकांना प्रवृत्त केले जाते आणि त्यांना कट्टर इस्लामी विचारधारेचे प्रशिक्षण दिले जाते.