पूजा जाधव यांचा विवाह 2017 मध्ये प्रथमेश जाधव यांच्याशी झाला होता. ते शिवथरचेच रहिवासी आहेत. त्यांना सात वर्षांचा मुलगा आहे. त्यांचे घर गावच्या बाहेर, शिवथर-मालगाव रस्त्यावर आहे. घरात सासू, सासरे, पती आणि मुलगा असे सगळे एकत्र राहत होते. प्रथमेशचा भाऊ सागर जाधव कामासाठी पुण्यात असतो.

आमदार सुरेश धसांच्या मुलाच्या कारची दुचाकीला धडक; एकाचा मृत्यू, आष्टीहून पुण्यात जाताना भीषण अपघात

सोमवारी सकाळी प्रथमेश मुलाला शाळेत सोडून कामावर गेला. सासू-सासरे शेतात कामाला गेले होते. घरात फक्त पूजा एकटीच होती. घराचे दरवाजे उघडे होते. शेजारी राहणाऱ्या एका आजी घरात डोकावल्या, तेव्हा त्यांना पूजा रक्ताच्या थारोळ्यात पडलेली दिसली. त्यांनी तातडीने इतरांना ही माहिती दिली. “महिलेच्या खुनाची घटना सोमवारी दुपारी उघडकीस आल्यानंतर सातारा तालुक्यात खळबळ उडाली,” असे पोलिसांनी सांगितले. हत्येचे कारण अजून स्पष्ट झालेले नाही. संशयित कोण आहे, याचाही पत्ता लागलेला नाही.

शेजाऱ्यांनी माहिती दिल्यानंतर साताऱ्याचे DYSP राजीव नवले आणि इतर पोलीस अधिकारी घटनास्थळी आले. श्वान पथकालाही बोलावण्यात आले. त्यानंतर पोलिसांनी पंचनामा केला आणि मृतदेह शवविच्छेदनासाठी शासकीय रुग्णालयात पाठवला.

दरम्यान, अप्पर पोलीस अधीक्षक डॉ. वैशाली कडूकर, DYSP राजीव नवले, सहाय्यक पोलीस निरीक्षक मोर्डे, नेवसे, उपनिरीक्षक गुरव, शिंदे आणि इतर अधिकारी घटनास्थळी दाखल झाले. आम्ही लवकरच हत्त्येचा गुन्हा उघडकीस आणू, असा विश्वास पोलीस उपअधीक्षक राजीव नवले यांनी व्यक्त केला आहे.