चंद्रसेन बाळकृष्ण रामटेके असे मृत व्यक्तीचे नाव आहे. चंद्रसेनची पत्नी दिक्षा रामटेकेने प्रियकर आसीफ राजा ईस्लाम अंसारी उर्फ राजा बाबू टायरवालाच्या मदतीने हा खून केल्याची कबुली दिली आहे. चंद्रसेनला अर्धांगवायू झाला होता. त्यामुळे गेल्या दीड वर्षांपासून चंद्रसेन आधीच अंथरुणाला खिळला होता. रामटेके दाम्पत्याला २ मुली आणि १ मुलगा अशी तीन अपत्ये आहेत. चंद्रसेनला अर्धांगवायू झाल्याने दीक्षा घरातील कमवती महिला झाली होती. तिने आरओ पाण्याचा व्यवसाय सुरू केला. तो ती यशस्वीपणे करीत होती.
‘नीट ऐक, आपण शारीरिक संबंध ठेवू शकत नाहीत, माझ्या नवऱ्याला…’; BF ने सांगूनही ऐकले नाही मग प्रेयसीने शिकवला धडाचंद्रसेनच्या आजारपणाच्या काळात तिचे राजाशी विवाहबाह्य संबंध सुरू झाले. गेल्या काही काळात चंद्रसेनच्या प्रकृतीत सुधारणा झाली होती. त्याला दीक्षाच्या विवाहबाह्य संबंधांची कुणकूण लागली. यावरून पती- पत्नीत भांडण सुरू झाले. अखेर, आपल्या अनैतिक संबंधात पती अडसर होत असल्याने दिशाने बाबू टायरवालाच्या मदतीने चंद्रसेनच्या खूनाचा कट रचला. या दोघांनी संगनमत करीत शुक्रवारी उशीच्या मदतीने चंद्रसेनचे नाक आणि तोंड दाबले. त्याचा श्वास कोंडला गेला. यात चंद्रसेनचा मृत्यू झाला. तो निपचित पडला. यानंतर दिक्षाने कांगावा केला. लोकांना गोळा केले. तसाही चंद्रसेन आजारीच होता. त्यातच त्याला ह्रदयविकाराचा धक्का आला असावा व तो मरण पावला असावा, असा बनाव तिने रचला

चंद्रसेनचा भाऊ संजयच्या मनाला हे सारे पटत नव्हते. पत्नीचे विवाहबाह्य संबंध असल्याचे चंद्रसेनने कदाचित संजयला सांगितले असावे. त्यामुळे संजयला या सगळ्या प्रकारावर संशय आला. त्याने पोलिसांत तक्रार केली. अखेर, चंद्रसेनच्या मृतदेहाचे मेडिकलमध्ये शवविच्छेदन झाले. यात त्याचे तोंड दाबल्याने त्याचा श्वास कोंडून मृत्यू झाला असावा असा अभिप्राय डॉक्टरांनी दिला. पोलिसांनी ताबडतोब दीक्षा व तिचा प्रियकर राजा यांना ताब्यात घेतले. पोलिसी हिसका दाखविताच दोघांनी कबुली दिली. पोलिसांनी दोघांवर खुनाचा गुन्हा दाखल करून त्यांना अटक केली.