देवेंद्र फडणवीस यांनी ‘एक्स’ अकाउंटवरुन महत्त्वाची माहिती दिली आहे. आपण आषाढी वारीच्या शुभ मुहूर्तावर नवी सुरुवात करत असल्याचं फडणीसांनी सांगितलं आहे. “एक नवी सुरुवात करतोय. ‘महाराष्ट्रधर्म’ ही नवी पॉडकास्ट मालिका… आणि नवे काही सुरू करण्यासाठी आषाढी एकादशीपेक्षा दुसरा कोणता पवित्र दिवस असेल? पाहायला विसरू नका उद्या, रविवारी 6 जुलै 2025 रोजी सकाळी 11 वाजता माझ्या सर्व समाजमाध्यमांवर”, असं देवेंद्र फडणवीस यांनी आपल्या ट्विटमध्ये म्हटलं आहे. यावेळी त्यांनी नव्या पॉडकास्टचा ट्रेलर देखील शेअर केला आहे. या ट्रेलरमध्ये देवेंद्र फडणवीस महाराष्ट्राच्या संस्कृती, वारी आणि इतिहासाविषयी बोलताना दिसत आहेत.

एक नवी सुरुवात करतोय…’महाराष्ट्रधर्म’ ही नवी पॉडकास्ट मालिका…आणि नवे काही सुरू करण्यासाठी आषाढी एकादशीपेक्षा दुसरा कोणता पवित्र दिवस असेल?पाहायला विसरू नका उद्या, रविवारी दि. 6 जुलै 2025 रोजी सकाळी 11 वाजता माझ्या सर्व समाजमाध्यमांवर !#MaharashtraDharma #महाराष्ट्रधर्म pic.twitter.com/ZPLW9OKHon

— Devendra Fadnavis (@Dev_Fadnavis) July 5, 2025

“छत्रपती शिवाजी महाराजांनी कधीही सत्तेकरता लढाई केली नाही. ते ध्येयाकरता लढले. देव, देश आणि धर्माकरता लढले. ही वारी कोणता इव्हेंट नाही. ही चालतीबोलती संस्कृती आहे. एक अखंड स्मृती आहे, जी महाराष्ट्राचं आत्मभिमान जपते. हजारो वर्षांपूर्वी परकीय आक्रमणाला न जुमानता झिजिया कराचा जाच न बाळगता पावले विठुरायाकडे जात होते. वारी ना इस्लामी राजवटीत थांबली, ना इंग्रजी आक्रमणात”, असं देवेंद्र फडणवीस ट्विट केलेल्या व्हिडीओत बोलताना दिसत आहेत.