देवेंद्र फडणवीस म्हणाले की, मी आपल्याला आठवण करून देतो. छत्रपती शिवाजी महाराज यांच्या पुतळ्याचे उद्घाटन करत असताना शरद पवार यांनी जय कर्नाटक असा नारा दिला होता. म्हणजे त्यांचे कर्नाटकवर जास्त प्रेम आणि महाराष्ट्रवर कमी प्रेम असे होत नाही. आता एकनाथ शिंदे गुजरातच्या एका कार्यक्रमात गेले त्यांनी जय गुजरात म्हटले की, त्यांचे महाराष्ट्रावरील प्रेम कमी आहे, असे नाही. महाराष्ट्रावरील प्रेम कमी झालं आणि मराठीवरील कमी झालं, असा संकोचीत विचार आहे. मराठी माणूस हा वैश्विक आहे, मराठी माणसाने अटकेपार झेंडा नेला आहे.
जय गुजरात! शहांसमोर शिंदेंचा नारा; त्याआधी क्षणभर थांबले, उपस्थितांच्या भुवया उंचावल्यादिल्लीच्या मुघलावर मराठी झेंडा लावण्याचं काम केलं आहे, असा संकोचीत विचार कोणी करत आहे, तर चुकीचं आहे, असेही त्यांनी म्हटले. विरोधकांकडे मुद्देच राहिले नाहीत, त्यामुळे ते असे मुद्दे उचलत आहेत ज्यातून लोकांवरही त्याचा परिणाम होत नाही. एकनाथ शिंदेची पाठराखण करताना देवेंद्र फडणवीस हे दिसले आहेत. यावेळी देवेंद्र फडणवीसांनी मनसेवरही टीका केलीये. भाषेवरून मारहाण करणे चुकीचे आहे. महाराष्ट्रात राहून मराठी बोलली पाहिजे, हा आग्रह चुकीचा नाही. भाषेवरून एखाद्या व्यापाऱ्याला मारहाण करणे चुकीचे असल्याचे स्पष्ट शब्दात सांगताना देवेंद्र फडणवीस दिसले.

आपली मराठी माणसे देखील इतर राज्यात व्यापार करायला जातात. त्यांना देखील तिथली भाषा येत नाही, तिथे त्यांना मारहाण होते का? अशाप्रकारे गुंडगिरी होणार असेल तर कारवाई ही केली जाईल, असा थेट इशाराच फडणवीसांनी दिला आहे. मराठी येत नसल्याने मनसेकडून एका व्यापाऱ्याला मारहाण करण्यात आली, ज्याचा व्हिडीओ सोशल मीडियावर तूफान व्हायरल होताना दिसला. यानंतर व्यापाऱ्यांकडून थेट मनसेविरोधात मोर्चा देखील काढण्यात आला.