Pune Kondhwa Society Woman Assault : महिलेने सेफ्टी डोअर उघडताच, आरोपीने तिच्या तोंडावर अज्ञात केमिकलयुक्त स्प्रे फवारला. त्यामुळे ती बेशुद्ध झाली आणि त्या अवस्थेत तिच्यावर बलात्कार करण्यात आला.
बुधवारी संध्याकाळी साडेसात वाजताच्या सुमारास कोंढवा परिसरातील एका प्रख्यात सोसायटीमध्ये राहणाऱ्या 25 वर्षीय तरुणीवर तिच्याच घरात बलात्कार करण्यात आला. कुरिअर बॉय असल्याचे भासवून आरोपीने सोसायटीत प्रवेश केला. त्यावर तरुणीने आपलं कुरिअर आपले नाही असे सांगूनही, “सही करावी लागेल” असं सांगत आरोपीने तिला दार उघडायला भाग पाडले.
महिलेने सेफ्टी डोअर उघडताच, आरोपीने तिच्या तोंडावर अज्ञात केमिकलयुक्त स्प्रे फवारला. त्यामुळे ती बेशुद्ध झाली आणि त्या अवस्थेत तिच्यावर बलात्कार करण्यात आला.
घटना इतक्यावरच थांबली नाही. बलात्कार केल्यानंतर आरोपीने पीडितेचा मोबाईल हातात घेतला आणि सेल्फी काढला. मोबाईलमध्ये “मी पुन्हा येईन” असा मजकूर टाईप करुन ठेवला. ही कृती केवळ निर्लज्ज नव्हे तर मनोवैज्ञानिक छळ करणारी आहे असल्याचं मत तज्ज्ञांनी व्यक्त केलं आहे. या प्रकारामुळे उच्चभ्रू सोसायट्यांमध्ये खळबळ उडाली असून सुरक्षिततेवरही मोठा प्रश्नचिन्ह निर्माण झाले आहे.
सुरक्षारक्षकांनी कुठलीही चौकशी न करता त्याला आत सोडले, हे प्राथमिक चौकशीत समोर आले आहे. कोंढवा पोलिसांनी घटनास्थळी भेट देऊन गुन्हा नोंद केला आहे. सोसायटीतील सीसीटीव्ही फुटेज जप्त करण्यात आले आहे. आरोपीची ओळख पटवण्यासाठी विशेष पथकाची स्थापना करण्यात आली आहे.
Nashik Accident : डम्पर चालकाचा रीलचा नाद विद्यार्थिनीच्या जीवावर, 11 वर्षांच्या सिद्धीचा चिरडून मृत्यू
पंढरपूरला निघालेल्या मुलीवर अत्याचार
पंढरपूरला दर्शनासाठी चाललेल्या नागरिकांच्या डोळ्यात मिरचीची पूड टाकून दोन दुचाकीस्वारांनी हल्ला केला. त्यांनी महिलांचे दागिने हिसकावून घेतले आणि कोयत्याचा धाक दाखवून एका अल्पवयीन मुलीवर अत्याचार केल्याची घटना सोमवारी पहाटे घडली. पुणे-सोलापूर राष्ट्रीय महामार्गावर स्वामी चिंचोली गावाजवळ हा प्रकार घडला.
Pune | ट्रक आणि बस चालक ई-चलनाविरोधात संपावर, मालवाहतूक करण्यासाठी शेतकऱ्यांची गैरसोय
आषाढी वारीमित्त पंढरपूरला वाहनांतून प्रवास करून जाणाऱ्यांची संख्याही अधिक आहे. या पार्श्वभूमीवर ही घटना घडल्याने भीतीचे वातावरण निर्माण झाले आहे. या प्रकरणी पीडित मुलीच्या कुटुंबीयांपैकी एकाने तक्रार दिली.
Disha Salian : ना वीर्य, ना प्रायव्हेट पार्टमध्ये दुखापत, दिशा सालियनच्या गूढ मृत्यू प्रकरणी पोलीस काय म्हणाले?
पहाटेच्या वेळी वाहनचालकाने झोप येत असल्याने स्वामी चिंचोलीजवळील एका चहाच्या टपरीवर गाडी थांबवली. त्या वेळी तेथे दोन दुचाकीस्वार आले. त्यांनी चालकाच्या आणि मागे बसलेल्या महिलांच्या डोळ्यात मिरची पूड टाकून त्यांचे दागिने लुटले. यापैकी एका अल्पवयीन मुलीला कोयत्याचा धाक दाखवून, टपरीमागे नेऊन तिच्यावर अत्याचार केला. या घटनेनंतर नागरिकांकडून संताप व्यक्त केला जात आहे.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा