पेशाने बांधकाम व्यवसायिक असलेले जयप्रकाश चौहान (वय 64) हे नालासोपारा येथे वास्तव्यास होते. जयप्रकाश चौहान यांनी मंगळवारी राहत्या घरातील पंख्याला गळफास घेऊन आत्महत्या केली.

मागील काही महिन्यांपासून ते अत्यंत तणावाखाली असल्याचे कळते. पोलिसांच्या जाचाला कंटाळून आपण आत्महत्या करत असल्याचे चौहान यांनी सुसाईड नोटमध्ये लिहून ठेवले आहे. या घटनेमुळे परिसरात खळबळ उडाली आहे.

बांधकाम व्यवसायिक जयप्रकाश चौहान यांनी नालासोपारा संयुक्तनगर येथे ओम श्री दर्शन ही इमारत पुनर्विकास बांधकामासाठी घेतली होती. या बांधकामासाठी पोलीस शिपाई श्याम शिंदे याने त्याच्या नातलगाच्या माध्यमातून 50 लाखांची गुंतवणूक, दुप्पट पैसे आणि चार फ्लॅटचा ताबा जामीन अशाप्रकारे केली.

इमारत पुनर्विकास बांधकामास एक वर्षाहून अधिक काळ लोटल्याने पोलीस शिपाई श्याम शिंदे आणि त्याचा सहकारी राजेश महाजन तसेच आणखी एक इसम लाला लजपत यांनी बांधकाम व्यवसायिक जयप्रकाश चौहान यांच्याकडे पैसे परत करण्यासाठी तगादा लावला.

त्यानंतर चौहान यांनी 22 लाख ऑनलाईन आणि 10 लाख रोख असे 32 लाख रुपये श्याम शिंदेला दिल्याचे त्यांचे नातेवाईक आणि मित्रांचे म्हणणे आहे. मात्र तरीही श्याम शिंदे आणि त्याचा सहकारी जयप्रकाश महाजन हे दोघे चव्हाण यांचा छळ करत असल्याचा आरोप चौहान यांच्या कुटुंबीयांनी केला आहे.

श्याम शिंदे व महाजन यांच्या छळाला मी कंटाळलो आहे. त्यांच्या जाचाला व छळाला कंटाळून आत्महत्या करत असल्याचे जयप्रकाश चौहान यांनी आत्महत्या करण्यापूर्वी लिहिलेल्या चिठ्ठीत म्हटले आहे. ती बिल्डिंग आमची असून, तू ही बिल्डिंग सोडून जा अन्यथा तुला खोट्या गुन्ह्यात अडकवू अशी धमकी बांधकाम व्यवसायिक जयप्रकाश चौहान यांना दिल्याचा आरोप यांच्या कुटुंबीयांनी केला आहे.
Mumbai News : ती रात्र आठवूनही धस्स, नातवाने कचऱ्यात फेकलेल्या आजीची व्यथा; त्याला काही करु नका, नाहीतर…
श्याम शिंदे, राजेश महाजन आणि लाला लजपत या तिघांनी वडिलांचा छळ केला असून फोनवरून शाम शिंदे याने वडिलांना धमकी देखील दिल्याचा आरोप जयप्रकाश चौहान यांच्या मुलीने केला असून कारवाईची मागणी केली आहे.
Tamil Nadu Suicide : 80 तोळे सोनं न् 70 लाखांची कार हुंड्यात, तरी सासरी जाच; नवविवाहितेने आयुष्य संपवलं, बाबा तुमच्यावर ओझं नाही व्हायचं…
बांधकाम व्यवसाय जयप्रकाश चौहान यांच्या आत्महत्ये प्रकरणी त्यांच्या मुलीच्या तक्रारीवरून आचोळे पोलीस ठाण्यात मृत्यूची नोंद करण्यात आली आहे अधिक तपास पोलीस करीत आहेत.