मिळालेल्या माहितीनुसार, दुपारी दीडच्या सुमारास तीन दरोडेखोर दुकानात शिरले. त्यांच्या हातात कोयते व बंदुका होत्या. दुकानात घुसताच त्यांनी दुकानातील सोन्याचा ऐवज हिसकावून घेतला. प्रतिकार करत असलेल्या मालकीणावर त्यांनी हल्ला केला. त्यांना किरकोळ दुखापत झाली असून, सुदैवाने प्रकृती स्थिर आहे. हल्ल्यामुळे परिसरात भीतीचं वातावरण पसरलं आहे. घटनेची माहिती मिळताच चतु:श्रृंगी पोलीस तातडीने घटनास्थळी दाखल झाले. दुकानातील व परिसरातील सीसीटीव्ही फुटेज तपासण्याचे काम सुरू असून, आरोपींची ओळख पटवण्याचा प्रयत्न सुरू आहे.
Pune News : गोविंदचं पालखीचं दुसरं वर्ष ठरलं अखेरचं, तुकोबारायांच्या पालखीसोबत चाललेल्या बाल वारकऱ्यासोबत भयंकर घडलं?
सराफा व्यावसायिकांकडून नाराजी

पोलीसांनी दरोडेखोरांचा शोध घेण्यासाठी विशेष पथक तयार केलं असून, विविध भागात तपासाची चक्रे वेगाने फिरवली जात आहेत. या धक्कादायक घटनेनंतर स्थानिक व्यापाऱ्यांमध्ये भीती व संतापाचं वातावरण निर्माण झालं आहे. वाढत्या गुन्हेगारी प्रकारांना आळा बसावा यासाठी सराफा व्यावसायिकांकडून सुरक्षा यंत्रणेला अधिक प्रभावी करण्याची मागणी केली जात आहे.

पोलिसांकडून चोरट्यांचा शोध सुरू

पोलीस तपास सुरू असून लवकरच आरोपींना अटक केली जाईल, असे पोलिसांकडून सांगितले गेले. आरोपींचा शोध घेतला जातोय आणि लवकर ताब्यात घेतले जाईल, अशी माहिती अधिकाऱ्यांनी दिली आहे. या घटनेने परिसरात भीतीचे वातावरण निर्माण झाले असून आरोपींना लवकरात लवकर ताब्यात घेण्याची मागणी ही केली जात आहे. पुण्यात मागील काही दिवसांपासून चोरीच्या घटनांमध्ये मोठी वाढ होताना दिसत आहे.