पैसे घेऊनही छळ सुरू
पोलिसांनी दिलेल्या माहितीनुसार, एप्रिल २०२३मध्ये तिचा विवाह मोठ्या थाटात झाला होता. वडिलांनी २५ लाख रुपयांचा खर्च करून रोख रक्कम, दागिने व गृहोपयोगी वस्तू दिल्या. मात्र, विवाहानंतर काही महिन्यांतच तिच्यावर अत्याचार सुरू झाले. त्यानंतर वडिलांनी नातेवाइकांकडून उसने पैसे घेऊन सासरकडील मंडळींना वेळोवेळी ५० लाख रुपयांपर्यंत आर्थिक मदत केली; तरीही तिचा शारीरिक आणि मानसिक छळ सुरूच राहिला.
Chhagan Bhujbal: जनतेला वाटतंय ठाकरे बंधू एकत्र यावेत, पण…, नेमकं काय म्हणाले छगन भुजबळ?
प्राणघातक हल्ल्याचा प्रयत्न
२७ मे २०२५ रोजी पतीने तिचा गळा दाबून मारण्याचा प्रयत्न केला. त्यानंतर २५ जून रोजी रात्री साडेअकरा वाजता, ‘मोमोज’ची ऑर्डर देत असताना किरकोळ कारणावरून वाद झाला. आरोपी पतीने तिचे डोके कपाटावर आपटले, केस उपटले आणि फोन फोडला. त्यानंतर जबरदस्तीने गॅलरीकडे ओढून नेऊन ढकलून देण्याचा प्रयत्न केला.
भाजपचं ठरलं! प्रदेशाध्यक्ष बावनकुळेंच्या जागी रवींद्र चव्हाणांची नियुक्ती, किरण रिजिजू निरीक्षक, १ जुलैला घोषणा
आरडाओरडा ऐकून वाचले प्राण
विवाहितेचा आरडाओरडा ऐकून सोसायटीचा वॉचमन आणि काही रहिवाशांनी खाली आवाज दिला. त्यामुळे तिचे प्राण वाचले. वॉचमनने तिच्या वडिलांना फोन करून बोलावले. ते मध्यरात्री सव्वाबारा वाजता पोहोचले आणि पीडितेला सोबत घेऊन गेले. या प्रकरणाचा तपास वरिष्ठ निरीक्षक सीमा ढाकणे यांच्या मार्गदर्शनाखाली तीन पथके करीत आहेत. सोसायटीतील वॉचमन व रहिवाशांचे जबाब नोंदवले जात आहेत.

गुन्हा घडल्यानंतर आरोपीचे कुटुंबीय पसार झाले. त्यांचा शोध घेतला जात आहे. त्यासाठी तीन पथके नेमली आहेत.