महिलांमध्ये दोन्ही हप्ते एकत्र येण्याची चर्चा

जून महिना संपत आला तरी अद्याप जून महिन्याचा लाडकी बहीण योजनेचा १५०० रुपये हत्या आला नाही. याआधीही एका महिन्यात हप्ता जमा झाला नव्हता, त्यावेळी दुसऱ्या महिन्यात आधीच्या आणि चालू महिन्यातील असे दोन्ही हप्ते एकत्र झाले होते. त्यामुळे जूनचा हप्ता अद्याप आला नसल्याने यावेळीही आधीप्रमाणेच दोन्ही महिन्यांचा हप्ता एकत्र येईल अशी शक्यता महिला वर्गात वर्तवली जात आहे.
हिंदीसक्तीविरोधात ठाकरे बंधू एकत्र! एकच मोर्चा निघणार, संजय राऊतांची घोषणा

आतापर्यंत ११ हप्ते नियमितपणे पात्र महिलांच्या खात्यात

दरम्यान, लोकसभा निवडणुकीत भाजपला मोठा फटका बसल्यानंतर विधानसभा निवडणुकीआधी भाजप सरकारने लाडकी बहीण योजनेची घोषणा केली. जुलै २०२४ मध्ये लाडकी बहिण योजना सुरू करण्यात आली होती. जून, जुलै, ऑगस्ट या तीन महिन्याचा ४५०० रुपये हप्ता एकत्रच ऑगस्टमध्ये जमा झाला होता. त्यानंतर आता मे २०२५ पर्यंत लाडकी बहीण योजनेचे आतापर्यंत ११ हप्ते नियमितपणे पात्र महिलांच्या खात्यात जमा झाले आहेत.
माजी सैनिकाने मंदिराला दान केली ४ कोटींची मालमत्ता, दानपेटीत टाकले संपत्तीचे कागदपत्र; कारणही सांगितलं, काय घडलं?
मात्र या महिन्याचा जूनमधील हप्ता जून महिना संपायला आला तरी आला नाही. त्यामुळेच आधी दोन हप्ते एकत्रित दिले होते, त्याचप्रमाणे यावेळीही जून आणि जुलैचा हप्ता एकत्र दिला जाईल अशी चर्चा आहे. मात्र सरकारकडून किंवा कोणत्याही नेत्याकडून जूनचा हप्ता अद्याप न आल्याबाबत कोणतीही माहिती देण्यात आलेली नाही.

राज्यात लाडकी बहीण योजना सुरू झाल्याने अनेक महिलांना मोठा दिलासा मिळाला आहे. गरीब-गरजू, कष्टकरी महिलांना या योजनेचा मोठा फायदा झाला. मात्र ही योजना पात्र महिलांसाठी असतानाही अनेक अपात्र महिलांनीही या योजनेचा लाभ घेतला. ही बाब लक्षात आल्यानंतर सरकारकडून अपात्र महिलांना या योजनेतून वगळ्यात आलं आहे.

दुसरीकडे लाडकी बहीण योजनेचे हप्ते महिलांना देण्यासाठी सरकारकडे पैसे नसल्याची टीका विरोधकांकडून होत आहे. यादरम्यान जून महिन्याचा हप्ता कधी येणार याकडे महिलांचं लक्ष लागलं आहे.