सोशल मीडियावर बसलेले चार-पाच कार्टी असतात, त्याच्या माईचा पगार बबनराव लोणीकरने केला, त्याच्या बापाचं पेन्शन बबनराव लोणीकरने केलं. नरेंद्र मोदींनी सहा हजार रुपये तुझ्या बापाला पेरणीला दिले, तुझ्या मायच्या तुझ्या बहिणीच्या तुझ्या बायकोच्या नावावर लाडक्या बहीण योजनेतून पैसे दिले, तुझ्या अंगावरचे कपडे आमच्या सरकारचे आणि तुझ्या पायातली चप्पल आमच्यामुळेच, हातातलं ते मोबाईलचं डबडं आमच्यामुळेच आहे. आमचंच घेतो आणि आमच्याच तंगड्या वर करतो, असं बबनराव लोणीकर यांनी म्हटलं आहे.

ही ब्रिटिशांची देशी आवृत्ती! लोकशाहीत ही भाषा बरी नव्हे बबनराव. कारण..तुमचे कपडे,बूट या जनतेमुळे..आमदारकी जनतेमुळे..तुमच्या गाडीतील डिझेल जनतेमुळे..तुमचे विमानाचे तिकीट जनतेमुळे..नेतेगिरी जनतेमुळे.. विधानसभेतील स्थान जनतेमुळे.. यांचे हे बोल लक्षात ठेवा. निवडणूक येते आहे! pic.twitter.com/RcSleViNGL

— Ambadas Danve (@iambadasdanve) June 26, 2025

Jalna News: ज्या मातीतून सोनं पिकवलं, त्याच मातीत अंत; जालन्यात ट्रॅक्टर पलटी होऊन शेतकऱ्याचा मृत्यू
ही ब्रिटिशांची देशी आवृत्ती! लोकशाहीत ही भाषा बरी नव्हे बबनराव. कारण तुमचे कपडे,बूट या जनतेमुळे.. आमदारकी जनतेमुळे.. तुमच्या गाडीतील डिझेल जनतेमुळे.. तुमचे विमानाचे तिकीट जनतेमुळे.. नेतेगिरी जनतेमुळे.. विधानसभेतील स्थान जनतेमुळे.. यांचे हे बोल लक्षात ठेवा. निवडणूक येते आहे, असं म्हणत विधानपरिषदेचे विरोधी पक्षनेते अंबादास दानवे यांनी लोणीकरांवर निशाणा साधला आहे.

बबनराव हे वागणं बरं नव्हं.. तुमचा आत्मसन्मान खुशाल गहाण ठेवा. जनतेचा आत्मसन्मान मात्र शाबूत आहे. जनता कष्टाने कमवून खाते तुम्ही भ्रष्टाचार करून खाता. सत्ताधाऱ्यांना कुर्निसात करताना खुशमस्करे नेत्यांची संख्या वाढत चाललीय. पाठीचा कणा हरवलेले लोणीकरांसारखे कळपाने सापडतील, असं ठाकरे सेनेच्या फायरब्रंड नेत्या सुषमा अंधारे म्हणाल्या आहेत. लोणीकरांवर आता सर्व स्तरातून टीका होत असून त्यावर भाजप पक्षश्रेष्ठी काय बोलतात हे पाहणं महत्त्वाचं ठरणार आहे.