परळ येथील ५८ वर्षीय महिलेला श्वसनाचा त्रास जाणवू लागल्याने तिला केईएममध्ये दाखल करण्यात आले. उपचार सुरू असताना रविवारी, १८ मे रोजी या महिलेचा मृत्यू झाला. मृत्यूपूर्वी घेण्यात आलेल्या स्वॅब चाचणीत तिला करोना असल्याचे स्पष्ट झाले. काही दिवसांपूर्वी १३ वर्षीय मुलीचाही करोनामुळे मृत्यू झाल्याचे अहवालातून स्पष्ट झाले, असा दावा माजी महापौक किशोरी पेडणेकर यांनी केला. मात्र, ५८ वर्षीय महिलेचा कर्करोगामुळे तर १३ वर्षीय मुलीचा मूत्रपिंड विकार या सहव्याधींमुळे मृत्यू झाल्याचे रुग्णालय प्रशासनाने सांगितले.
Covid-19 New wave in Asia : कोविड-१९ पुन्हा डोकं वर काढतोय, आशियातील या देशात करोना व्हायरसचे नवे रुग्ण
केईएममधील सात रुग्ण करोना चाचणीत सकारात्मक आढळल्याने त्यांना सेव्हन हिल रुग्णालयात दाखल करण्यात आले असून सगळ्या बाधितांची प्रकृती स्थिर असल्याचे पालिकेच्या कार्यकारी आरोग्य अधिकारी डॉ. दक्षा शहा यांनी सांगितले.

मुंबईत सध्या ८ करोनाग्रस्त रुग्ण आढळल्याचं समोर आलं आहे. तर अभिनेत्री शिल्पा शिरोडकर आणि आयपीएलच्या हैदराबाद संघातील खेळाडू ट्रॅव्हिस हेड या दोघांचा करोना रिपोर्ट पॉझिटिव्ह आल्याची माहिती समोर आली आहे.

कोविड-१९ ची नवीन लाट –

दरम्यान, २०२० मध्ये भारतासह संपूर्ण जगात कोविड-१९ ने एकच हाहाकार माजवला होता. आता पुन्हा एकदा पाच वर्षांनी आशियातील हाँगकाँग आणि सिंगापूरमध्ये कोविड-१९ ची नवीन लाट पसरली आहे. कोविड-१९ ची नवीन लाट पसरत असल्याचं हाँगकाँग आणि सिंगापूरमधील आरोग्य अधिकाऱ्यांनी सांगितलं आहे. तसंच ही प्रकरणं वाढण्याचा इशारा त्यांनी दिला आहे. करोनामुळे रुग्णालयात दाखल होण्याचं रुग्णांचं प्रमाण ३० टक्क्यांनी वाढलं असून करोना चाचण्यांमध्येही वाढ झाल्याची माहिती हाँगकाँग, सिंगापूरमधून देण्यात आली आहे.