हिनाची दोन्ही मुलं आहिल आणि आहाब मदरशात शिकायला होती. 15 दिवसांपूर्वी हिना बागवानने आपली दोन मुले अहिल (वय 13), आहाब (वय 10) यांना शिक्षणासाठी मदरशात पाठवले होते. जर, तिने पोरांना मदरशात पाठवले नसते तर कदाचित ते ही या आगीत अडकले असते.

पतीच्या निधनानंतर हिना आई-वडिलांकडे राहायची

हिना वसीम शेख ही अनेक वर्षांपासून वडील महताब बागवान यांच्याकडे राहत होती. हिना शेख विधवा झाल्याने आई-वडील आणि भाऊ सलमान यांचा हिनाला मोठा आधार होता. अक्कलकोट रोड ‘एमआयडीसी’ तील सेंट्रल इंडस्ट्रीज टेक्स्टाईल कारखान्याला आग लागून तिथेच वास्तव्यास असलेल्या आणि काम करणाऱ्या बागवान कुटुंबातील चार जणांचा मृत्यू झाला. कुटुंबप्रमुख महताब बागवान यांची मुलगी हिना शेख या आपल्या आई-वडिलांसह राहायच्या. बागवान परिवारातील सर्व सदस्य टॉवेल कारखान्यात वास्तव्यास होते.
Solapur Fire: पहाटे फोन, बाथरुममध्ये आहोत आम्हाला वाचवा; कारखान्याचे मालक कुटुंबासोबत आगीत अडकले, सोलापुरात खळबळ

15 दिवसांपूर्वी हिनाचे दोन्ही मुलं मदरशात शिक्षणासाठी गेले

विधवा हिना आई-वडिलांसोबत सेंट्रल हॅण्डलूम टॉवेल इंडस्ट्रीज या कारखान्यात काम करत होती. कारखान्याचे मालक उस्मान मंसुरी हे यांच्या कारखान्यातील सर्व कामकाज करत घरचे काम करण्याची जबाबदारी बागवान कुटुंबावर होती. विधवा हिनाला दोन्ही मुलांची मोठी चिंता होती. टॉवेल कारखाना मालक उस्मान मंसुरी यांनी हिनाला दोन्ही लहान मुलांना मदरशात शिक्षणासाठी दाखल करण्याचा सल्ला दिला होता. 15 दिवसांपूर्वी अहिल (वय 13), आहाब (वय 10) या चिमुकल्यांना सोलापूर जिल्ह्यातील मदरशात शिक्षणासाठी दाखल केले. आहिल आणि अहाब ही दोन्ही चिमुकली आई-वडिलां विना पोरकी झाली आहेत.