सर्पदंश झाला, रुग्णालयात लस उपलब्ध नसल्याचा नातेवाईकांचा आरोप

याप्रकरणी महाळुंगे पोलिसांनी दिलेल्या अधिक माहितीनुसार, शुक्रवारी (दि. १६) सकाळी ९ वाजण्याच्या सुमारास प्रांजलला तिच्या घराजवळ सर्पदंश झाला. हे लक्षात येताच तिला तातडीने पाईट येथील प्राथमिक आरोग्य केंद्रात नेण्यात आले. मात्र, तिथे सर्पदंशावरील लस आणि डॉक्टर उपलब्ध नसल्याचा आरोप आहे. त्यामुळे तिला चांडोली येथील सरकारी रुग्णालयात हलवण्यात आले. तिथेही लस नसल्याने प्राथमिक उपचार करून तिला पुन्हा पिंपरी येथील यशवंतराव चव्हाण रुग्णालयात पाठवण्यात आले. मात्र, दुर्दैवाने रुग्णवाहिकेत अत्यावश्यक सुविधा आणि वैद्यकीय कर्मचारी नसल्याने प्रांजलवा पिंपरीला नेत असताना रुग्णवाहिकेतच मृत्यू झाला. महाळुंगे पोलिसांनी याप्रकरणी सर्पदंशाने मृत्यू अशी दप्तरी नोंद केली आहे.
Crime Diary: रुम नंबर 204, सात तासांचं बुकिंग, खोटा ID अन्… शिक्षक-विद्यार्थिनीच्या प्रेमकहाणीचा भयानक अंत

डॉक्टरांनी नातेवाईकांचे आरोप फेटाळून लावले

दरम्यान, पाईट प्राथमिक आरोग्य केंद्राच्या वैद्यकीय अधिकारी डॉ. सोनम रणवीर यांनी नातेवाइकांचे आरोप फेटाळून लावले आहेत. त्या म्हणाल्या, “रुग्णाला पाईट आरोग्य केंद्रात आणलेच गेले नाही. आम्ही केंद्रात होतो आणि सर्पदंशावरील लसही उपलब्ध होती. हे आरोप खोटे आहेत.”

या घटनेमुळे ग्रामीण भागातील आरोग्य सुविधांच्या कमतरतेचा प्रश्न पुन्हा ऐरणीवर आला आहे. नातेवाइकांनी आरोग्य केंद्राच्या निष्काळजीपणावर संताप व्यक्त केला आहे. या प्रकरणी अधीक तपास पोलीस करत आहेत. प्रांजलच्या अशाप्रकारे झालेल्या मृत्यूने तिच्या कुटुंबावर दु:खाचा डोंगर कोसळला आहे. अवघ्या १७ वर्षांची पोरगी गमावल्याने आई- वडिलांचे अश्रू थांबत नाहीयेत. या घटनेने संपूर्ण गावात एकच हळहळ व्यक्त करण्यात येत आहे.