Ulhasnagar Family ends life : धक्कादायक म्हणजे चारच दिवसांपूर्वी लागलेल्या दहावीच्या परीक्षेत पवनच्या मुलीला उत्तम गुणही मिळाले होते.
काय आहे प्रकरण?
उल्हासनगरमधील कॅम्प नंबर एक येथील झुलेलाल मंदिर रोडजवळ हर्षा कॉटेज या बिल्डिंगमधील तिसऱ्या मजल्यावर पवन हे आपल्या भावांच्या कुटुंबासह तसेच पत्नी नेहा आणि 16 वर्षांची मुलगी रोशनी यांच्यासोबत राहत होता. रोशनी नुकतीच दहावीत चांगल्या गुणांनी उत्तीर्ण झाली होती.
पवन येथील सोनार गल्लीत दागिने तयार करण्याचे काम करत होते. मात्र, काही दिवसांपासून ते आर्थिक अडचणीत होते. त्यातच सहा महिन्यांपूर्वी त्यांच्या लहान मुलाचे निधन झाले होते. त्यामुळे आर्थिक आणि मानसिक तणावात असलेल्या पवनने बुधवारी रात्री दीडच्या सुमारास नेहा आणि रोशनी यांची गळा दाबून हत्या केली.
Jalgaon Crime : मला उद्या 11 नंतर उठवा, लॉजवाल्यांना सांगितलं; गर्लफ्रेण्डला VC करत ‘ऑपरेशन मौत’चा उल्लेख अन्…
पश्चातापानंतर व्हिडिओ करत गळफास
आपण केलेल्या कृत्याचा पश्चाताप झाल्यानंतर पवन यांनी एक व्हिडीओ तयार करत स्वतःदेखील गळफास घेऊन आत्महत्या केली, अशी माहिती पोलिस उपायुक्त सचिन गोरे यांनी दिली. गुरुवारी सकाळी याबाबत त्यांचे मोठे बंधू यांना याबाबत कळताच त्यांनी याबाबत पोलिसांना माहिती दिली.
Ulhasnagar Crime : 6 महिन्यापूर्वी धाकटा लेक गेला, उल्हासनगरात बापाने पत्नी-मुलीला संपवलं, पश्चाताप होताच व्हिडिओ रेकॉर्ड केला अन्
आत्महत्येपूर्वी रेकॉर्ड केलेल्या व्हिडिओमध्ये, त्याने आर्थिक अडचणींमुळे आपले जीवन संपवत असल्याचे म्हटले आहे आणि या दुःखद घटनांची संपूर्ण जबाबदारी घेतली आहे, या घटनेसाठी इतर कोणालाही दोष देऊ नका असे आवाहन त्याने केले.
Pune Crime : चाकण अत्याचार प्रकरणात विवाहित तरुणाला अटक, निर्लज्जपणे म्हणतो, नाईट शिफ्टवर रस्त्याने जाताना ती दिसली आणि…
पोलिस उपायुक्त सचिन गोरे यांनी सांगितले की, प्राथमिक चौकशीतून असे दिसून येते की पाहुजा आर्थिक अडचणींनी ग्रस्त होते आणि त्यांच्या डोक्यावर 15 लाख रुपयांचे कर्ज होते.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा