या घटनेतील तिन्ही आरोपींचा शोध घेण्यासाठी ठाणेदार दीपक वारे यांनी पोलीस चक्र फिरवत एका विशेष पथकाची नियुक्ती केली. पथकातील कॉन्स्टेबल नागसेन वानखडे, मनीष घुगे, पोलीस कॉन्स्टेबल ईश्वर पातोंड यांनी अवघ्या सहा तासात तिन्ही आरोपींना अटक केली.

काय आहे प्रकरण?

फिर्यादी पीडित महिला हिची ओळख दोन महिन्यांपूर्वी आरोपी ज्योती नागेश हिवराळे हिच्याशी फेसबुकवरुन झाली होती. पीडित महिलेने तिला मूलबाळ होत नसल्याचं सांगितलं. याच संधीचा फायदा घेत बुलढाणा जिल्ह्यातील दाम्पत्य नागेश हिवराळे आणि त्याची पत्नी ज्योती नागेश हिवराळे, मुख्य आरोपी सुपेश महादेव (पाचपोर वय वर्ष 23, राहणार बाबुळगाव, तालुका जळगाव जामोद) यांनी घेतला.

पीडितेला नवस फेडण्याचा सल्ला देण्यात आला. बार्शीटाकळी तालुक्यातील दोनद येथील आसरा माता देवी या मंदिरात नवस करण्याचा सल्ला महिलेला देण्यात आला. त्यानंतर काही दिवसांनीच तिघे जण नवस करण्यासाठी दोनद खुर्द येथील आसरा मंदिरात आले आणि नवस केल्यावर पुणे जिल्ह्यातील आळंदी येथील एका लॉजवर गेले.
Pune Crime : अगं हा तर तुझा व्हिडिओ आहे! शरीरसंबंधाचे ‘ते’ क्षण शूट, पुण्यातील तरुणीची अश्लील क्लीप मैत्रिणीला दिसली, भयंकर उलगडा
यावेळी महिलेला गुंगीचे औषध देऊन तिच्यावर लैंगिक शोषण करण्यात आले. त्यानंतर पीडित महिलेला पुण्यात सोडून दिले. त्यानंतर पीडित महिला हिने सरळ बार्शीटाकळी पोलीस स्टेशन गाठले. तेथे तक्रार दाखल केल्यानंतर ठाणेदार दीपक वारे यांनी घटनेचे गांभीर्य लक्षात घेता तिन्ही आरोपीला अवघ्या सहा तासात अटक केली.

पोलीस सूत्राने दिलेल्या माहितीनुसार बार्शीटाकळी तालुक्यातील एका गावातील विवाहित महिलेची बुलढाणा जिल्ह्यातील एका दाम्पत्य व एका तरुणाची सोशल मीडियावर ओळख झाली. पीडित महिलेने तिची आपबीती सांगितली की तिला मूल बाळ होत नाही, म्हणून नवस करायचा आहे, एखादे चांगले नवस करण्यासाठी ठिकाण सांगावे, अशी पोस्ट टाकली. त्यानंतर या घटनेतील आरोपीने बार्शीटाकळी तालुक्यामधील पिंजर पोलीस ठाणे अंतर्गत येणारे दोनद खुर्द येथील आसरा मंदिरात येण्याचे सांगितले.
Pune Crime : उज्ज्वला वारुळेंनी जीव दिला नाही! पोस्टमार्टममध्ये धक्कादायक माहिती, वाघोलीत घटनेत ओढणीमुळे नवा ट्विस्ट
पोलिसांनी तिन्ही आरोपींचा शोध घेत बुलढाणा जिल्ह्यातून अटक केली आहे. तिन्ही आरोपी पोलिसांच्या ताब्यात आहे आणि पुढील तपास सुरू आहे.