चार महिलांना देहविक्रीच्या व्यवसायासाठी आणल्याचे निष्पन्न झाले आहे. 13 मे रोजी मंगळवारी ही मोठी कारवाई करण्यात आली आहे. स्थानिक गुन्हे अन्वेषण शाखा आणि रत्नागिरी ग्रामीण पोलीस ठाणे यांची “अनैतिक व्यापार (प्रतिबंध) अधिनियम, 1956” कायद्या अंतर्गत संयुक्त कारवाई करण्यात आली आहे. ही माहिती मिळताच रत्नागिरी पोलिसांनी एक संयुक्त पथक तयार केले. या पथका मार्फत लागलीच एक डमी गिराइक पाठवून खेडशी आकाशवाणी केंद्राचे समोर हॉटेल गौरव लॉज येथे छापा टाकण्यात आला. या ठिकाणी देह विक्रीचा व्यवसाय करण्यासाठी 4 महिला आणलेल्या असल्याचे निष्पन्न झाले आहे.
Ratnagiri News: अचानक त्रास सुरु, रुग्णवाहिका मिळाली नाही, रत्नागिरीत आठ महिन्यांच्या गर्भवतीचा बाळासह मृत्यू
या प्रकरणी आरोपी अरमान करीम खान रा. कोकणनगर रत्नागिरी यास दोन पंचां समक्ष “अनैतिक व्यापार (प्रतिबंध) अधिनियम, 1956” कायद्या अंतर्गत ताब्यात घेऊन घटना स्थळा वरून तसेच आरोपीच्या ताब्यातून मुद्दे माल जप्त करण्यात आला आहे. जप्त करण्यात आलेला मुद्देमाल तसेच ताब्यात घेण्यात आलेला आरोपी हे पुढील कारवाई करिता रत्नागिरी ग्रामीण पोलीस ठाणे येथे हजर करण्यात आलेले आहेत तसेच या गुन्ह्याचा अधिक तपास रत्नागिरी ग्रामीण पोलीस ठाणे करीत आहेत. वर्षभरापूर्वी रत्नागिरीमध्ये अशा स्वरूपाचा अनैतिक व्यवसाय उघड झाला होता. आता पुन्हा एकदा रत्नागिरीमध्ये महिलांना देह विक्रीसाठी आणले जात असल्याचा धक्कादायक प्रकार समोर आल्याने खळबळ उडाली आहे.
कोकणातून थेट जा पश्चिम महाराष्ट्रात! तब्बल १७५ कोटींचा केबल स्टेड ब्रिज, रत्नागिरी ते महाबळेश्वर अंतर होणार कमी
दरम्यान, ही कामगिरी पोलीस अधीक्षक, रत्नागिरी व अपर पोलीस अधीक्षक रत्नागिरी यांचे मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक नितीन ढेरे, रत्नागिरी ग्रामीण पोलीस ठाणे प्रभारी अधिकारी श्री. राजेंद्र यादव व खालील नमूद पोलीस अधिकारी व अंमलदार यांनी केलेली आहे. या कारवाईत सुभाष भागणे, नितीन डोमणे, शांताराम झोरे, बाळू पालकर, प्रवीण खांबे,गणेश सावंत, सत्यजित दरेकर,वैष्णवी यादव या पोलीस कर्मचाऱ्यांनी या मोठ्या कारवाईत सहभाग घेतला.