या प्रकरणात चार पीडित विद्यार्थी असून, आरोपी शिक्षक असतानाही त्याने हा अतिशय गंभीर गुन्हा केला आहे. त्यामुळे आरोपी जामीन मिळण्यास पात्र नाही, असे नमूद करत विशेष न्यायाधीश कविता शिरभाते यांनी हा आदेश दिला.

या प्रकरणी 39 वर्षीय नृत्य शिक्षकाविरोधात भारतीय दंड संहितेच्या कलम 377 (अनैसर्गिक अत्याचार) व लैंगिक अत्याचारापासून बालकांचे संरक्षण कायदा (पोक्सो) कायद्याच्या कलमांनुसार गुन्हे दाखल आहेत.

आरोपी शाळेत विद्यार्थ्यांना नृत्य शिकविण्याच्या बहाण्याने त्यांचे लैंगिक शोषण करायचा; तसेच त्यांना अश्लील व्हिडिओ दाखवून त्यांच्यावर अत्याचार करायचा, असे तक्रारीत नमूद आहे. या गुन्ह्यात आरोपी शिक्षकाने जामीन मिळण्यासाठी विशेष न्यायालयात अर्ज केला. त्याला विशेष सरकारी वकील नितीन कोंघे यांनी विरोध केला.

आरोपीने कर्वेनगरच्या शाळेतील चार विद्यार्थ्यांचे लैंगिक शोषण केले आहे. तपास अधिकाऱ्यांनी या घटनेचे सीसीटीव्ही चित्रीकरण संकलित केले असून, आरोपीचा मोबाइलही जप्त केला आहे. आरोपीने केलेला गुन्हा गंभीर स्वरूपाचा असून, त्याला जामीन देऊ नये, असा युक्तिवाद विशेष सरकारी वकील नितीन कोंघे यांनी केला. तो ग्राह्य धरत न्यायालयाने आरोपीचा जामीन अर्ज फेटाळला.
Pune Crime : धाकट्या भावाने दादाचा जीव घेतला, प्रत्यक्षदर्शी आईनेही साक्ष फिरवली, मात्र बायकोच्या जबाबाने पुण्यातील केस फिरली
शाळेतील समुपदेशकांनी ‘गुड टच, बॅड टच’बाबत प्रशिक्षण दिल्यावर पीडित विद्यार्थ्याने नृत्य शिक्षकाच्या अत्याचाराची माहिती आपल्या पालकांना दिली. त्यानंतर हा प्रकार उघडकीस आला होता.

ठार मारण्याची धमकी देऊन नागपुरात तरुणीवर बलात्कार

दुसरीकडे, प्रेमाच्या जाळ्यात ओढल्यानंतर ठार मारण्याची धमकी देऊन युवकाने २३ वर्षीय तरुणीवर बलात्कार केला. याप्रकरणी गणेशपेठ पोलिसांनी बलात्कारासह विविध कलमांन्वये गुन्हा दाखल करून युवकाला अटक केली. जिशान निसार खान (वय २७, रा. कर्नलबाग), असे अटकेतील युवकाचे नाव आहे.
Mumbai Crime : रमेशला इंग्रजी येतंच कुठे? दहिसरची 4000 स्के. मीटर जागा बळकवण्याचा डाव, भावाच्या खोट्या सहीने गेम फिरवला
सुमारे दहा वर्षांपूर्वी तरुणीची जिशानसोबत ओळख झाली. त्याने तिला प्रेमाच्या जाळ्यात ओढले. तो तिला वाठोडा परिसरातील एका मित्राच्या घरी घेऊन गेला. तेथे मारहाण करून ठार मारण्याची धमकी देत त्याने तरुणीवर बलात्कार केला. त्यानंतर तो तिचे शारीरिक शोषण करायला लागला. तो तरुणीला सतत धमकी देत होता. अखेर तरुणीने पोलिसांत तक्रार दिली. पोलिसांनी गुन्हा दाखल करून त्याला अटक केली.

पीडित तरुणीच्या घराला १० मे रोजी आग लागली. यात घरगुती साहित्य जळाले. ही आग जिशानने लावल्याचा संशय तरुणी व तिच्या कुटुंबीयांना आहे. पोलिसांनी या आगीचाही तपास सुरू केला आहे.