Solapur APMC Chairman Elected : सोलापूर कृषी उत्पन्न बाजार समितीच्या सभापतीपदी काँग्रेस नेते व माजी आमदार दिलीप माने यांची निवड झाली आहे. विशेष म्हणजे भाजपच्या पाठिंब्यावर काँग्रेस नेत्याची निवड होणे, ही पहिलीच घटना आहे.
फडणवीसांच्या आदेशानुसार सभापती व उपसभापतीची निवड
सोलापूर कृषी उत्पन्न बाजार समितीतील विजयानंतर भाजप आमदार सचिन कल्याणशेट्टी, माजी आमदार व काँग्रेस नेते दिलीप माने, काँग्रेस नेते सुरेश हसापुरे, राजशेखर शिवदारे यांनी दोन दिवसांपूर्वी मुख्यमंत्री देवेंद्र फडणवीस यांची मुंबईत जाऊन भेट घेतली होती. मुख्यमंत्री फडणवीसांसोबत झालेल्या बैठकीत सभापती आणि उपसभापती कोण होणार, यावर चर्चा झाली होती. मुख्यमंत्री देवेंद्र फडणवीस हेच सभापती ठरविणार, असे सांगण्यात आले होते. रविवारी दिलीप माने आणि सुनील कळके यांची नावे जाहीर करण्यात आली.भाजप आमदार सचिन कल्याणशेट्टी यांनी दिलीप माने यांचे नाव सभापती पदासाठी, तर उपसभापती पदासाठी सुनील कळके यांचे नाव जाहीर केले. दोघांनीच सभापतीपद आणि उपसभापतीपदासाठी अर्ज दाखल केले होते.
Rajan Salvi : डॅशिंग राजन साळवी यांनी ‘त्या’ एसटी ड्रायव्हरची कॉलर धरत बसखाली उतरवलं
फडणवीसांच्या लाडक्या आमदाराने आखली रणनीती
सोलापूर कृषी उत्पन्न बाजार समितीच्या निवडणुकीत भाजप आमदार सचिन कल्याणशेट्टी यांनी माजी आमदार दिलीप माने, सुरेश हसापुरे, राजशेखर शिवदारे यांना सोबत घेऊन पॅनेल बनविले होते. विरोधात भाजप आमदार सुभाष देशमुख आणि आमदार विजयकुमार देशमुख यांनी एकत्र येऊन निवडणूक लढवली होती. निवडणुकीत कल्याणशेट्टी, माने, हसापुरे यांच्या पॅनेलने १८ पैकी १३ जागा जिंकत बाजार समितीवर वर्चस्व मिळविले होते. फडणवीसांच्या लाडक्या आमदाराने काँग्रेस नेत्यांना सोबत घेत भाजपच्या दिग्गज आमदारांच्या पॅनलचा पराभव केला होता.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा