या प्रकरणी पोलिसांनी दिलेल्या माहितीनुसार, सविता या भालागाव येथे पती, मुलगा, मुलगी, सासू, सासरे असे कुटुंबासह वास्तव्यास होत्या. दरम्यान,बुधवारी घरातील काम आटोपून सकाळी १० वाजता सविता या शेतात जाते म्हणून गेल्या. मात्र बराच वेळ होऊन गेला तरीही सविता या घरी परतल्या नाहीत. यामुळे कुटुंबीयांनी सर्वत्र शोधाशोध सुरू केली. काही वेळाने मुलगा शेतात शोध घेण्यासाठी गेला. त्याने शेतातील विहिरीत डोकावून बघितले असता सविता यांचा मृतदेह विहिरीतील पाण्यावर तरंगता आढळून आला. आईचा मृतदेह तरंगताना बघून मुलाच्या पायाखालची जमीन सरकली. त्याने तत्काळ ही माहिती कुटुंबीयांना दिली.

Sangli News : आई – बहिणीने तरुणाला संपवलं, नंतर पुरावा नष्ट करण्याचा प्रयत्न; पोलीस तपासात धक्कादायक समोर, सांगलीत खळबळ

घटनेची माहिती वडोद बाजार पोलिसांना कळताच जमादार अंकुश बागल, सुनीता दाभाडे तत्काळ घटनास्थळी दाखल झाले. स्थानिकांच्या मदतीने सविता यांचा मृतदेह विहिरीतून बाहेर काढून फुलंब्री येथील ग्रामीण रुग्णालयात दाखल करण्यात आला. डॉक्टरांनी तपासून सविता यांना मृत घोषित केले. शवविच्छेदन करून पार्थिव कुटुंबियांच्या स्वाधीन करण्यात आले. भालगाव येथील स्मशान भूमीत त्यांच्यावर अंत्यसंस्कार करण्यात आले.

दरम्यान, सविता कोलते यांच्या पश्चात पती,मुलगा,मुलगी,सासू सासरे असा परिवार आहे. घटनेनंतर कुटुंबीयांनी टाहो फोडला.सविता यांच्या मृत्यूची घटना गावात वाऱ्यासारखी पसरली. गावकऱ्यांनी याबाबत हळहळ व्यक्त केली. सविता यांची ही आत्महत्या आहे की त्यांची हत्या करण्यात आली, याचे गूढ अद्याप कायम आहे. या घटनेचा पुढील तपास वडोद बाजार पोलीस करत आहेत.