जळगाव जिल्ह्यात अमळनेर तालुक्यातील माहेर असलेल्या अनिता पाटील यांचे अकरावीत असताना मनोहर पाटील यांच्याशी लग्न झाले. पती मनोहर पाटील सीआरपीएफमध्ये नोकरी करत होते. 22 ऑगस्ट 2014 रोजी मनोहर पाटील कर्तव्य बजावत असताना त्यांचा मोठा अपघात झाला. या अपघातात जवळपास तीन महिने ते रुग्णालयामध्ये दाखल होते.

मनोहर पाटील वाचण्याची शक्यता पूर्ण संपलेली होती. कारण अपघातच इतका भयंकर होता, की डोक्यातील मेंदू हा तीन महिने साईडला अर्थात पोटात काढून ठेवला होता. त्यांच्यावर शासनाने जवळपास 80 ते 90 लाख रुपये खर्च केले आणि नियतीलाही मान्य करावे लागले. म्हणून आज मनोहर पाटील जिवंत घरी आले ही एक विशेष स्टोरी आहे.

पतीचे राहिलेले देशसेवेचे स्वप्न पूर्ण करण्यासाठी पत्नीने एक पाऊल पुढे टाकत सीआरपीएफमध्ये भरती होण्याचा निर्णय घेतला आहे. पतीची इच्छा होती की देश सेवेसाठी घरातील एक व्यक्ती गेला पाहिजे, म्हणून अनिता पाटील यांनी धाडस दाखवत गृहिणी असतानाही सीआरपीएफमध्ये भरती व्हायचे ठरवले.

अनिता पाटील यांचे अकरावीमध्ये असतानाच लग्न झाले. शिक्षणाची आवड होतीच मात्र आई-वडिलांनी शिक्षण पूर्ण न होताच 2011 मध्ये मनोहर पाटील यांच्याशी लग्न लावले. मनोहर पाटील यांनी पत्नीचे शिक्षण देखील पूर्ण केले. आज त्यांनी शेती विषयात डिप्लोमा पूर्ण केला आहे. पती देश सेवेसाठी सीआरपीएफमध्ये असताना अनिता पाटील या गृहिणी म्हणून घर सांभाळायच्या, तर घराला हातभार लागावा म्हणून शिवणकाम, पार्लर अशी कामंही त्या करु लागल्या होत्या.

2014 मध्ये रायपूरमध्ये असताना पती मनोहर पाटील यांचा खूप मोठा अपघात झाला. दोन वर्ष पूर्णपणे परिवार तणावामध्ये होता. पतीचा अपघात झाला, तेव्हा पत्नी तीन महिन्याची गरोदर होती. 11 महिने ते रायपूर येथे दवाखान्यामध्ये भरती होते. डॉक्टरांनी त्यांची वाचण्याची शक्याता पूर्णपणे धूसर असल्याचे सांगितले होते. तेव्हा पत्नी शेती विषयात डिप्लोमा करीत होती. तो देखील या अपघातामुळे अपूर्ण राहिलेला होता. मात्र माझ्या लहान मुलीचा जन्म झाला आणि लहान मुलीच्या पायगुणाने माझे पती सुखरूप घरी परतले, असे अनिता पाटील यांनी सांगितले.

अपघात झाल्यामुळे घरची परिस्थिती देखील ढासळलेली होती. तेव्हा मी शिवणकाम व पार्लरचे काम सुरू केले. 2019 मध्ये मनोहर पाटील यांनी स्वेच्छेने सेवानिवृत्ती घेतली कारण त्यांनी सांगितले की मी आता काम करु शकत नाही तेव्हा मनोहर पाटील यांना पत्नीने धीर दिला, ठीक आहे तुम्ही काम करू शकत नाही, मात्र तुमच्या इच्छा मी पूर्ण करणार, असा मनाशी निश्चय केला.
Santhara Death : तीन वर्षांच्या चिमुकलीला असाध्य आजार, आई-वडिलांनी ‘संथारा’ निवडला, दहा मिनिटात मृत्यूने कवटाळलं
पतीने देखील सांगितले की ठीक आहे, तुझी इच्छा असेल तर तू करू शकतेस, मात्र सीआरपीएफमध्ये नोकरी करणे खूप कठीण आहे, हे तुला जमणार नाही, कारण दोन मुली, सासू-सासरे आणि पती यांचा सांभाळ करणारी गृहिणी सीआरपीएफमध्ये जाऊ शकत नाही असे देखील पतीने सांगितले. तेव्हा पत्नीने सांगितले की, पती जर माझ्या पाठीशी असेल तर कुठलंही काम अवघड नाही, तुम्ही मला सपोर्ट करा. मात्र मनात यशाचे ध्येय होतेच आणि त्याच ध्येयाच्या जोरावर आज त्या सीआरपीएफमध्ये पतीची देशसेवेची अपूर्ण राहिलेली इच्छा पूर्ण करण्यासाठी दाखल झाल्या आहेत.

पतीनेच पूर्ण केली पत्नीची मैदानाची तयारी

तीन वर्षापासून अनिता पाटील या मैदानाची तयारी करीत होत्या, मैदानावर कसे पळायचे, व्यायाम कसा करायचा, यासाठी एका शिक्षकाची गरज असते मात्र माझे पती मनोहर पाटील यांनी पूर्ण मैदानी चाचणीची माझ्याकडून तयार करून घेतली, सकाळी चार वाजता उठायचे, मुलींचा शाळेचा डबा करायचे, मुलींची पाच वाजता पूर्ण तयारी झाल्यानंतर आम्ही साडेपाच वाजता दोघे मैदानावर जायचो, सुरुवातीला मैदानावर तयारी करताना अडचणी आल्या, पण त्या अडचणी सोडवण्याचे काम पती यांनी पूर्ण केले आणि जसे एका पुरुषाच्या मागे स्त्रीचा हात असतो त्याचप्रमाणे माझ्या मागे माझ्या पतीचा मोठा हात असल्याचे मोहिनी पाटील यांनी सांगितले

पाच मुली आणि पाच पुरुष त्या ठिकाणी परीक्षेला होते, पाच मुलींमधून माझं सीआरपीएफ साठी सिलेक्शन झालं, बाकीच्या दोन मुलींचे अवघ्या दोन दोन मार्कांसाठी संधी हुकली या यशामागे माझे पती आणि सासू-सासरे यांचा मला पाठिंबा होता. त्यांच्याच पाठिंबामुळे मी आज खंबीरपणे उभी आहे. बरेच सासू-सासरे महिलांना पुढे जाऊ देत नाही, गुणी आहे म्हणून तू घरातीलच कामे केली पाहिजे, असा भ्रम असतो, मात्र आज माझ्या सासू-सासर्‍यांनी देखील मोठा धीर आणि पाठिंबा दिला.
Jalgaon Crime : पूजाचे सख्ख्या मावसभावाशी अनैतिक संबंध, त्यातूनच आकाशला संपवलं, आईच्या आरोपांनी जळगावात खळबळ
खरं तर घरापासून दूर जावं, असं वाटत नाहीये माझ्या स्वप्नातही मी विचार केला नव्हता की माझ्या फॅमिलीला सोडून मी कुठे जाणार पण पतीची राहिलेली देशसेवेची इच्छा पूर्ण करण्यासाठी मी जाणारच आहे आणि महिलांनी देखील चूल मूल यातच न गुंतता स्वतःचे अस्तित्व निर्माण केले पाहिजे असा मोलाचा सल्ला त्यांनी इतर महिलांना दिला

पत्नीने माझी इच्छा पूर्ण केली

माझ्या अपघातानंतर मी स्वतः सेवानिवृत्त होण्याचा निर्णय घेतला, कारण माझा अपघात इतका भयंकर होता की मी वाचण्याची शक्यता मला वाटत नव्हती. माझी इच्छा माझी पत्नी अनिता हिने पूर्ण केली याचा मला सार्थ अभिमान आहे आणि देश सेवेसाठी ती जात आहे त्याचा आम्हाला पूर्ण अभिमान आहेच