Nagpur Crime: वाढत्या घरफोड्यांना नागपूरकर त्रस्त असून, पोलिसांची डोकेदुखीही वाढली आहे. घरफोड्यांचे चक्रव्यूव्ह भेदण्यात पोलिसांना अद्यापही हवे तसे यश आलेले नाही.
जानेवारी ते एप्रिल या चार महिन्यांच्या कालावधीत उपराजधानीत ३२६ घरफोड्यांची नोंद झाली. यात तब्बल पाच कोटी ७१ लाख पाच हजार १८४ रुपयांच्या ऐवजावर चोरट्यांनी हातसाफ केला. यामध्ये रोख रकमेचाही समावेश आहे. त्यापैकी ६८ घटनांचा छडा लावून पोलिसांनी ११५ घरफोड्यांना गजाआड केले. त्यांच्याकडून ६४ लाख ९४ हजार ४२३ ऐवज जप्त करण्यात आला. घरफोडीच्या दाखल घटनांची संख्या बघता उघड होण्याचे प्रमाण अत्यंत अल्प आहे.
Waves 2025: नागपुरात जगातील सर्वात मोठे चित्रपटगृह उभारणार; ‘वेव्हज २०२५’ परिषदेत महत्त्वपूर्ण घोषणा
हिंगणा पोलिस ठाण्याच्या हद्दीत चार घरफोडीच्या घटना घडल्या. चोरट्यांनी दोन लाख ८३ हजारांचा ऐवज चोरी केला. वाडीत ११ घटनांमध्ये १३ लाख ९९, एमआयडीसीत १४ प्रकरणांत ३८ लाख ४५ हजार, सोनेगाव एका घटनेत २३ लाख पाच हजार, प्रतापनगर सहामध्ये नऊ लाख ६१ हजार, बजाजनगरात एक घरफोडीत पाच लाख ५० हजार, सीताबर्डीत चार घटनांत दोन लाख ९२ हजार, धंतोलीत चार एचबीटीमध्ये पाच लाख ९७ हजार, अंबाझरीत चार प्रकरणांत १० लाख ९१ हजार, सदरमध्ये पाच घटनांत चार लाख ६४ हजार, गिट्टीखदान १ प्रकरणांत १५ लाख १९, मानकापूर १४ मध्ये ६५ लाख ३६ हजार, कोतवालीत ३ मध्ये २१ लाख ४० हजार, लकडगंजमध्ये पाच घटनांत आठ लाख ५८ हजार, गणेशपेठ सातमध्ये सात लाख ३४ हजार, तहसीलमध्ये चार घटनांत १९ लाख ११ हजार, पाचपावलीत सातमध्ये चार लाख ४० हजार, शांतीनगर पाचमध्ये सहा लाख ५३ हजार,
एपीएमसीत ड्रग्जचा बाजार? परराज्यातून, आयात मालाच्या माध्यमातून होतो प्रवेश; खुलेआम होते विक्री
सक्करदरा पाचमध्ये तीन लाख एक हजार, अजनीत १३ मध्ये १९ लाख सात हजार, इमामवाडा दोनमध्ये एक लाख ७६ हजार, बेलतरोडीत १२ मध्ये नऊ लाख ३२ हजार, नंदनवनमध्ये १८ घटनांत २८ लाख ९३ हजार, वाठोड्यात ३२ घरफोड्यांत ४३ लाख ५१ हजार, हुडकेश्वर २१ मध्ये २० लाख आठ हजार, जरीपटका १३ मध्ये २६ लाख ८५ हजार, कोराडीत १५ मध्ये ३७ लाख ७२ हजार, यशोधरानगर नऊमध्ये १७ लाख ३२ हजार, कपिलनगर २० मध्ये २१ लाख दोन हजार, नवीन कामठी सहामध्ये तीन लाख ११ हजार, जुनी कामठीत दोनमध्ये तीन लाख ७० हजार, कळमन्यात २५ मध्ये ६२ लाख ८४ हजार व पारडी पोलिस ठाण्याच्या हद्दीत २४ घरफोडीच्या घटनांत २७ लाख ६० हजार रुपयांचा ऐवज चोरी गेल्याची माहिती खास सूत्रांनी दिली.
‘हास्य’ मानसिक आरोग्यासाठी संजीवनी! तणाव ठेवते दूर, जाणून घ्या हसण्याचे आश्चर्यकारक फायदे
वाठोडा पोलिस ठाणे पहिल्या क्रमांकावर
घरफोडीच्या घटनांमध्ये वाठोडा पोलिस ठाणे पहिल्या क्रमांकावर आहे. या पोलिस ठाण्याच्या हद्दीत गेल्या चार महिन्यांत सर्वाधिक ३२ घरफोडी घटनांची नोंद झाली. चोरट्यांनी ४३ लाख ५१ हजार ७०० रुपयांच्या ऐवजावर हात साफ केला. त्यापैकी दोन घटना उघडकीस आल्या असून चार आरोपींना अटक झाली. त्यांच्याकडून ११ लाख ७२ हजारांचा ऐवज जप्त झाला.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा