नेमकं काय झालं?

पुण्यात पहाटेपासून अजित पवार यांनी कार्यक्रमांचा धडाका उडवून दिला. परशूराम आर्थिक विकास महामंडळाच्या नव्या इमारतीचं अजित पवार यांनी पहाटे उद्धाटन केलं. पहाटे साडेसहा वाजता या इमारतीच्या उद्धाटनाची नियोजित वेळ होती. त्यासाठी मेधा कुलकर्णीही वेळेत उपस्थित राहिल्या, मात्र अजित पवारांनी दहा मिनिटं आधीच उद्घाटन उरकून घेतलं होतं. वेळेआधीच कार्यक्रम झाल्याने मेधा कुलकर्णी यांनी नाराजी व्यक्त केली. त्यामुळे दादांनी पुन्हा सोबत उद्घाटन करण्याचं सुचवत तणाव निवळून टाकला.
पोलीस अधीक्षक कार्यालयात ड्युटीवर जाताना अपघात, ट्रकच्या चाकाखाली पाय अडकला, हेलिकॉप्टरने रुग्णालयात नेलं, पण नियतीने हात टेकले
मेधा कुलकर्णी : (हातातील मोबाईलवर वेळ दाखवत) सहा चोवीसच झालेत
अजित पवार : अहो मला काय माहिती तुम्ही येणार आहात
मेधा कुलकर्णी : मी येणार नाही? परशूराम आर्थिक विकास महामंडळ आहे, कधी नव्हे ते झालंय…

मेधा कुलकर्णी यांच्या नाराजीनंतर अजित पवार यांनी लगेच उद्घाटनस्थळ गाठलं आणि पुन्हा एकदा परशूराम आर्थिक विकास महामंडळाच्या नव्या इमारतीच्या उद्धाटनाची औपचारिकता पार पाडली.
Chandrahar Patil : ठाकरे ज्यांच्यासाठी काँग्रेसला भिडले, त्या चंद्रहार पाटलांनी तोंडावर पाडले? शिवसेना प्रवेशाबाबत श्रीकांत शिंदेंचं वक्तव्य चर्चेत

सिंहगड रोडवरील पुलाचं लोकार्पण

दुसरीकडे, पुण्यातील बहुप्रतीक्षित सिंहगड रोडवरील उड्डाणपुलाचा लोकार्पण सोहळाही उपमुख्यमंत्री अजित पवार यांच्या हस्ते पार पडला. विठ्ठलवाडी ते फन टाईम थिएटरपर्यंत जवळपास 2100 मीटरच्या उड्डाणपुलाचा लोकार्पण सोहळा करण्यात आला. या उड्डाणपुलामुळे मोठी वाहतूक कोंडी टळणार आहे. सिंहगड रोडवरच्या वाहतूक कोंडीतून पुणेकरांची सुटका होणार आहे. यावेळी अजित पवार यांच्यासह मेधा कुलकर्णी, केंद्रीय मंत्री मुरलीधर मोहोळ देखील उपस्थित होते.