मानसिक तणावामुळे आलेल्या नैराश्यातून या विवाहितेने हा प्रकार केल्याचे उघडकीस आले आहे. विशेष म्हणजे त्या मुलीचा गुरुवारीच वाढदिवस होता. दरम्यान, नवी मुंबईच्या हद्दीत आईने मुलीची हत्या करून स्वतः आत्महत्या केल्याच्या लागोपाठ दोन घटना घडल्याने खळबळ उडाली आहे. या घटनेतील विवाहितेचे नाव सोनम अभिषेक केणी (३०) असे असून तिच्या मुलीचे नाव देव्यांशी केणी (४) असे आहे.
Guru Chichkar : नवी मुंबईतील बिल्डर गुरु चिचकर यांनी आयुष्य संपवलं, राहत्या घरात टोकाचं पाऊल, चिठ्ठीत भयंकर उलगडा
सोनम, पती अभिषेक केणी व मुलगी देव्यांशी यांच्यासोबत तळोजा फेज-१ मधील पेठाली गावात राहत होती. गुरुवारी दुपारी सोनमने जेवण केल्यानंतर ती बेडरुममध्ये झोपण्यासाठी गेली होती. यावेळी तिचा पती बाहेर गेला होता. याच कालावधीत घरामध्ये मुलीसह असलेल्या सोनमने आपल्या मुलीची उशीच्या तोंड दाबून तिची हत्या केली. त्यानंतर तिनेदेखील गळफास घेऊन आत्महत्या केली.
Pahalgam Terror Attack : पत्नीसोबतची सहल ठरली शेवटची, पनवेलच्या दिलीप देसलेंना अखेरचा निरोप, कुटुंबाचा हृदय हेलावणारा आक्रोश
सायंकाळी ५ वाजण्याच्या सुमारास सोनमच्या पतीने तिच्या मोबाइलवर वारंवार संपर्क साधला. मात्र, ती फोन उचलत नसल्याने त्याने घरी धाव घेतली. त्यानंतर त्याने बंद असलेली बेडरुम उघडून पहाणी केली असता, सोनम गळफास घेतलेल्या स्थितीत तर मुलगी बेशुद्धावस्थेत आढळून आली. त्यामुळे त्याने तत्काळ दोघींना रुग्णालयात नेले. मात्र डॉक्टरांनी दोघींना मृत घोषित केले. या घटनेची माहिती मिळताच तळोजा पोलिसांनी घटनास्थळी धाव घेतली. काही महिन्यांपूर्वी सोनम गरोदर असताना, तिच्या मुलीचा जन्मतःच मृत्यू झाला होता. त्यामुळे सोनम मानसिक तणावाखाली आली होती.