Yogesh Kadam Reacted on Nitesh Rane Remarks : दोन दिवसांपूर्वी झालेल्या हिंदू जनजागृती सभेत नितेश राणे यांनी अप्रत्यक्षरित्या योगेश कदमांवर टीका केली आहे. यावर योगेश कदमांनी सुनावलं आहे.
कदम पुढे म्हणाले की, ‘नितेश राणे माझे मित्र आहेत. दापोली तालुक्यात अडखळ येथील झालेल्या घटनेत १४ जणांवर एफआयआर दाखल झाला आहे. पण माझ्या मतदारसंघातून येऊन त्यांनी मला शहाणपणा शिकवण्याची गरज नाही, आम्ही लहानपणापासून शिवसेनेचे बाळकडू आम्हाला रामदास कदम यांनी पाजलं आहे. आम्ही जन्मापासूनचे शिवसैनिक आहोत. आम्ही आमच्या हातातला भगवा कधी खाली ठेवला नाही.’
‘नितेश राणे यांना काही स्थानिक लोकांनी चुकीची ब्रीफिंग केली असेल. त्यांना काही लोकांनी चुकीची माहिती दिली असावी, त्यांनी जर का मला एक फोन करून विचारलं असतं मला संपर्क केला असता तर मलाही बरं वाटलं असतं,’ असेही योगेश कदम म्हणाले. ‘त्यांनी माझ्या मतदारसंघात येताना मला कळवलंही नाही,’ अशा शब्दांत योगेश कदम यांनी नाराजीही व्यक्त केली आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा