POP Ganesh Idols Banned: पर्यावरणपूरक मूर्तीच्या मुद्द्यावरून दोन मूर्तिकार संघटना उभे ठाकल्या आणि खुर्च्या, पाण्याच्या बाटल्या फेकून बैठकीचे रूपांतर आखाड्यात झाले. बाप्पा घडविणाऱ्या हातांनीच परस्परांत दोन हात केले आणि एकच वादंग निर्माण झाला.
मूर्तिकारांच्या बैठकीनंतरही वॉर्ड कार्यालयाबाहेर पर्यावरणपूरक मूर्तीला पाठिंबा देणारी गणेश मूर्तिकला समिती आणि पीओपी निर्बंध श्री गणेश मूर्तिकार कामगार संघटना भिडल्या. या वेळी गणेश मूर्तिकला समिती संस्थापक अध्यक्ष वसंत राजे यांना मारहाण झाली. राजे यांनी भोईवाडा पोलिस ठाण्यात तक्रार दाखल केली, तर ‘एफ’ वॉर्डमध्ये झालेल्या बैठकीत श्री गणेशमूर्तीकार कामगार संघटनेने पीओपी मूर्तीवरील बंदी हटवा, मंडप परवानगी सगळ्याच मूर्तिकारांना द्या यासह अन्य मागण्या केल्या. 
Western Railway Mega Block: मुंबईकरांचा खोळंबा! पश्चिम रेल्वेवर ३५ तासांचा ब्लॉक, १६३ लोकल फेऱ्या रद्द
परळस्थित महापालिकेच्या एफ दक्षिण वॉर्डमध्ये मूर्तिकार संघटनासोबत महापालिकेने समन्वय बैठक आयोजित केली होती. या बैठकीला परिमंडळ दोनचे उपायुक्त आणि गणेशोत्सव समन्वयक प्रशांत सपकाळे, पर्यावरण उपायुक्त राजेश ताम्हाणे, मुंबईतील विविध विविध मूर्तिकार संघटनाचे पदाधिकारी, मूर्तिकार उपस्थित होते. पर्यावरणपूरक मूर्तीला पाठिंबा देणारे मूर्तिकार वसंत राजे आणि त्यांच्या संघटनेशी संबंधित मूर्तिकार आणि श्री गणेश मूर्तिकार कामगार संघटना यांच्यात पर्यावरणपूरक गणेश मूर्तीवरून वाद सुरू झाला आणि बैठकीतील पाण्याच्या बाटल्या, खुर्च्या फेकून मारण्यात आल्या. एकमेकांना शिवीगाळही करण्यात आली.
बैठक सुरू झाल्यानंतर श्री गणेश मूर्तिकार कामगार संघटनेचे अध्यक्ष प्रशांत देसाई आणि अन्य सदस्यांनी, पीओपीमूर्तीवरील निर्बंध हटवा, प्रत्येक मूर्तिकाराला मंडप परवानगी द्या अशी मागणी केली. त्यानंतर वादाला सुरुवात झाली.
दक्षिण मुंबई ते वसई फक्त ४० मिनिटांत! वॉटर टॅक्सीला ‘वेग’, पहिल्या टप्प्यात १५ जेट्टी उभारणार, असं आहे प्लॅनिंग
‘पीओपी’ मूर्तीबाबत आणि मूर्तिकारांना येणाऱ्या समस्यांबाबत आम्ही बैठकीत विविध मागण्या केल्या. मात्र, ‘पीओपी’ मूर्तीला काही जण जाणीवपूर्वक विरोध करून मूर्तिकारांच्या पोटावर पाय आणत आहेत. अनेकांचा उदरनिर्वाह अवलंबून आहे, हे समजत नाही का ? त्यांना आमचा विरोध असून त्यांच्या भाषेतच उत्तर दिले आहे. – प्रशांत देसाई, अध्यक्ष श्री गणेश मूर्तिकार कामगार संघटना
‘पीओपी’वर बंदी कायम असावी, पीओपी साठा जप्त करा, असे माझे मत मी बैठकीत मांडले. बैठक सुरू होण्याआधी वाद झालाच. मात्र, त्यानंतर मला मारहाण करण्यात आली. त्याविरोधात भोईवाडा पोलिस ठाण्यात तक्रार दाखल केली आहे. –वसंत राजे, संस्थापक अध्यक्ष, गणेश मूर्तिकला समिती
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा