आरोही ही कुटुंबासह एका यात्रेवरून विजयपुरा-रायचूर पॅसेंजरने रविवारी होसनळ तालुक्यातील आपल्या घरी परत जात होती. होटगी गावाच्या परिसरात अज्ञात व्यक्तीने धावत्या ट्रेनवर दगडफेक केली. त्यात आरोही गंभीर जखमी झाली. तिला सोलापुरातील शासकीय रुग्णालयात नेण्यात आले. मात्र, उपचारापूर्वीच तिचा मृत्यू झाला.

नेमकं काय घडलं?

टिकेकरवाडी हे लहानसे रेल्वे स्थानक सोलापूर शहराच्या नजीक आहे. कर्नाटकातून आलेली विजयपुरा-रायचूर पॅसेंजर ट्रेन टिकेकरवाडी स्थानकावरून निघाली. यावेळी आरोही खिडकीच्या जवळ बसली होती.

अज्ञात व्यक्तीने बाहेरुन फेकलेला दगड थेट आरोहीच्या डोक्यावर येऊन आदळला. दगडाचा जोर एवढा होता की आरोही गंभीर जखमी झाली. तिच्या डोक्यातून भळाभळा रक्त वाहू लागले. हे पाहून तिचे आई-वडील खूप घाबरले.

‘ए पप्पा… ए पप्पा… असं आरोही म्हणत होती… माझा जीव गेला असता तर चाललं असतं पण…’ असं सांगताना आरोहीचे वडील आक्रोश करत होते. हे पाहून रुग्णालयातील उपस्थित आणि डॉक्टरांनाही अश्रू अनावर झाले.
Crime News : पोलिस उपनिरीक्षकाच्या बहिणीला संपवलं, ‘जवळच्या’ माणसाला चौकशीला बोलावलं, विशाल पळ-पळ-पळाला, शेवटी पुण्यात धरलाच!
दरम्यान, या घटनेबाबत तपास सुरू आहे. दगडफेक कुणी केली, याचा शोध सुरू असल्याचे पोलिसांनी सांगितले. याआधी यंदा जानेवारीच्या पहिल्या आठवड्यात मुंबई-सोलापूर वंदे भारत एक्स्प्रेसवर सोलापूरमध्ये दगडफेकीचा प्रकार घडला होता.
Solapur Crime : 25 वर्ष एकत्र काम, ईमेलवरुन धमकी अन्… डॉ. वळसंगकरांनी आयुष्य संपवलं, अटकेतील महिला मनिषा मुसळे-माने कोण?

तरणतलावात बुडून मुलाचा मृत्यू

दुसरीकडे, पोहायला शिकण्यासाठी तरणतलावात उतरलेल्या नऊ वर्षांच्या मुलाचा बुडून मृत्यू झाल्याची घटना मिरा-भाईंदरमध्ये रविवारी घडली. ग्रंथ मुथा, असे मृत मुलाचे नाव आहे. मिरा-भाईंदर महापालिकेचे इंद्रलोक परिसरात दिवंगत गोपीनाथ मुंडे यांच्या नावाने क्रीडा संकुल आहे. ग्रंथ हा त्याच्या मित्रांसह गेल्या आठवड्यापासून तेथील तरणतलावात जात होता. रविवारी सकाळी ११च्या सुमारास तो तलावात पोहण्यासाठी उतरल्यानंतर तो बुडाला. क्रीडा संकुलातील कर्मचाऱ्यांच्या निष्काळजीपणामुळे ग्रंथचा मृत्यू झाल्याचा आरोप त्याच्या पालकांनी केला आहे.