मराठीविषयी भाजप पक्षाला कधीच ठामपणे बोलताना पाहिलेले नाही. याचं कारण महाराष्ट्रच्या निर्मितीमध्ये योगदान नाही, संयुक्त महाराष्ट्राचा लढा असेल, बेळगाव सीमाप्रश्न आहे. मराठी भाषेवर तिकडे अत्याचार होतोय पण भाजपच्या लोकांनी कधी तोंड वर केलंय का पण आता हिंदी भाषेला देशामध्ये विरोध असण्याचे कारण नाही. त्याला घटनात्मक वैद्यता नसली तरीसुद्धा हिंदीला राष्ट्रभाषेचा प्रश्न आहे. नरेंद्र मोदी आणि अमित शाहांना इंग्रजी येत नाही म्हणून हिंदी लादू नका. हे मोदी आणि शाहांची सोय करत आहेत, हिंदीही मोडकं तोडकी येते म्हणून इतर भाषांवर सूड काढायचा हे बरोबर नाही, असं संजय राऊत म्हणाले.

महाराष्ट्रासारख्या राज्यामध्ये खास करून मुंबईमध्ये जी हिंदी सिनेसृष्टीची ऊर्जा आहे तिथे हिंदी का सक्तीची करत आहेत. महाराष्ट्रात मुंबई हिंदी साहित्य, हिंदी नाटक इथेच आहे. महाराष्ट्रात हिंदी भाषा भवन आणि उत्तर भारतीय भवन आहे मग आमच्यावर का लादत आहात? हिंदी भाषेचा प्रसार करावा. पण अभ्यासक्रमामध्ये लादून विद्यार्थांचं नुकसान करू नका. महाराष्ट्रमध्ये सर्व शाळांमध्ये मराठी सक्तीची करावी, नोकरी धंद्यामध्ये मराठी सक्तीची करावी, अशीही मागणी राऊतांनी केलीये. हिंदी भाषा सक्ती हे म्हणजे उद्याच्या महापालकेच्या निवडणुकीसाठी पडद्यामागचं नाटक आहे, असंही राऊत यांनी म्हटलं आहे.